گیس کے چولہے صحت کے لیے نقصان دہ ثابت ہو سکتے ہیں، تحقیق

گھر میں گیس کا چولہا آپ کی صحت کے لیے نقصان دہ ثابت ہو سکتا ہے اور امریکا میں اس کے نتیجے میں ہر سال ہزاروں افراد ہلاک ہو جاتے ہیں۔

یہ بات ایک نئی طبی تحقیق میں سامنے آئی۔

جرنل سائنس ایڈوانسز میں شائع تحقیق میں بتایا گیا کہ جن گھروں میں گیس کے چولہے ہوتے ہیں، وہاں رہنے والے نائٹروجن ڈی آکسائیڈ سے بھرپور فضا میں سانس لیتے ہیں۔

یہ گیس فضا کو آلودہ کرکے انسانی صحت کو نقصان پہنچاتی ہے اور اس کے نتیجے میں طویل المعیاد بنیادوں پر دمہ کا خطرہ بڑھتا ہے۔

توند سے نجات کے لیے ہر ہفتے کتنی ورزش کرنا ضروری ہے؟

جسمانی چربی کو گھلانے کے لیے بس ہر ہفتے 5 گھنٹے ورزش کو معمول بنا لیں۔

تحقیق میں بتایا گیا کہ اس آلودگی سے ہر سال امریکا میں 19 ہزار افراد ہلاک ہو جاتے ہیں۔

تحقیق میں مزید بتایا گیا کہ یہ چولہے قدرتی گیس سے جلتے ہیں اور اس گیس کو جلانے سے نائٹروجن ڈائی آکسائیڈ اور کاربن مونو آکسائیڈ جیسی گیسیں فضا میں خارج ہوتی ہیں۔

طویل المعیاد بنیادوں پر اس آلودگی سے پھیپھڑوں کے افعال کی کارکردگی متاثر ہوتی ہے اور نظام تنفس کے امراض کا خطرہ بڑھتا ہے۔

اسٹینفورڈ یونیورسٹی کی اس تحقیق میں شامل ماہرین نے بتایا کہ نتائج سے دریافت ہوا کہ گیس کے چولہے صحت کے لیے نقصان دہ ثابت ہو سکتے ہیں۔

وہ بہترین غذا جو کینسر، امراض قلب اور قبل از وقت موت سے تحفظ فراہم کرتی ہے

پھلوں اور سبزیوں پر مشتمل غذا کا زیادہ استعمال متعدد جان لیوا امراض سے تحفظ فراہم کرتا ہے۔

انہوں نے مزید بتایا کہ ہم نے تصور نہیں کیا تھا کہ چولہے جلانے سے صحت کو اتنا نقصان ہو سکتا ہے کیونکہ اس سے خارج ہونے والی گیسیں چولہے بند ہونے کے کئی گھنٹے بعد بھی فضا میں موجود رہتی ہیں۔

ان کا کہنا تھا کہ چھوٹے گھروں میں یہ خطرہ زیادہ ہوتا ہے کیونکہ وہاں لوگ ان گیسوں سے دوگنا زیادہ متاثر ہوتے ہیں۔

محققین کے مطابق اس مسئلے سے بچنا بہت آسان ہے، اگر آپ گیس کا چولہا استعمال کرتے ہیں تو فضا کو آلودہ ہونے سے بچانے کے لیے ہوا کی نکاسی کے اچھے نظام کا استعمال ضروری ہے۔