سونے کی وہ پوزیشن جس سے چہرے پر جھریاں نمودار ہو جاتی ہیں

صبح اٹھ کر آپ آئینے میں دیکھیں تو چہرے پر جھریاں نظر آئیں گی جو رات بھر سونے سے بنتی ہیں۔

انہیں طبی زبان میں sleep wrinkles کہا جاتا ہے۔

اس طرح کی جھریاں عارضی ہوتی ہیں، مگر عمر بڑھنے کے ساتھ جیسے جیسے جِلد کی لچک کم ہوتی ہے، یہ مستقل ہونے لگتی ہیں۔

مگر نیند کے دوران یہ جھریاں بنتی کیوں ہیں۔

وہ عام عادات جن سے قبل از وقت جِلد پر جھریاں ابھر جاتی ہیں

عمر بڑھنے سے جِلد کی موٹائی گھٹ جاتی ہے اور لچک بھی ختم ہونے لگتی ہے جس سے جھریاں نظر آنے لگتی ہیں۔

جِلد پر جھریوں ابھرنے کی متعدد وجوہات ہوتی ہیں جیسے سورج سے نقصان پہنچنا، تمباکو نوشی، پانی کی کمی، چہرے کے تاثرات اور سونے کی پوزیشن وغیرہ۔

جب آپ پہلو یا پیٹ کے بل سوتے ہیں تو چہرے پر دباؤ بڑھتا ہے۔

ان پوزیشنز سے سونے کے دوران کشش ثقل آپ کے چہرے کو تکیے میں دباتی ہے اور جِلد دبنے اور پھیلنے سے اسے عارضی نقصان پہنچتا ہے۔

اکثر پنڈلیوں میں درد رہتا ہے؟ تو اس کی وجوہات جان لیں

پنڈلی میں تکلیف کا سامنا بھی دنیا بھر میں کروڑوں افراد کو ہوتا ہے اور اس حوالے سے متعدد عناصر کردار ادا کرتے ہیں۔

جوانی میں تو یہ جھریاں بیداری کے بعد غائب ہو جاتی ہیں۔

مگر عمر بڑھنے کے بعد یہ عارضی جھریاں بتدریج مستقل ہونے لگتی ہیں کیونکہ جِلد کی لچک اور کھچنے کی صلاحیت گھٹ جاتی ہے۔

نیند کی پوزیشن، تکیے کی سطح اور دیگر عناصر جھریاں بننے کے عمل پر اثر انداز ہوتے ہیں۔

درحقیقت جِلدی امراض کے ڈاکٹر چہرے کو دیکھ ہی پہچان لیتے ہیں کہ آپ کس پوزیشن میں سونے کے عادی ہیں۔

صحت مند افراد کا بلڈ پریشر کتنا ہونا چاہیے؟

ہر سال 17 مئی کو فشار خون یا ہائی بلڈ پریشر کا عالمی دن منایا جاتا ہے۔

اس مسئلے سے بچنا کیسے ممکن ہے؟

تحقیقی رپورٹس کے مطابق ایسے تکیے جو نیند کے دوران تناؤ میں کمی لانے میں مدد فراہم کرتے ہیں وہ جِلد کے مسائل کی بھی روک تھام کرتے ہیں۔

اسی طرح پشت کے بل سونے کی عادت سے بھی چہرے کو جھریوں سے بچانے میں مدد ملتی ہے جبکہ رات کے وقت Moisturisers کا استعمال بھی یہ خطرہ کم کرتا ہے۔

ماہرین کے مطابق پشت کے بل لیٹ کر یا مسلسل پوزیشن بدلنے سے آپ چہرے کو ان جھریوں سے بچا سکتے ہیں۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔