آسٹریلین کرکٹرز آئی پی ایل کی وجہ سے ٹی ٹوئنٹی ورلڈکپ کے کونسے میچز نہیں کھیلیں گے؟

آسٹریلیا کے ٹاپ کرکٹرز انڈین پریمیئر لیگ (آئی پی ایل) کی وجہ سے ٹی ٹوئنٹی ورلڈ کپ کے وارم اپ میچز نہیں کھیلیں گے۔

آسٹریلین کرکٹرز انڈین پریمئیر لیگ کے پلے آف میں حصہ لیں گے، کوچ آسٹریلیا کرکٹ ٹیم اینڈریو میکڈانلڈ نے ٹاپ کرکٹرز کی عدم دستیابی کی تصدیق کر دی۔

کرکٹ آسٹریلیا نے بھی مختلف مرحلوں میں آسٹریلوی اسکواڈ کے ویسٹ انڈیز پہنچنے کا اعلان کیا ہے۔

آسٹریلیا نے ٹی ٹوئنٹی ورلڈ کپ کیلئے اسکواڈ کا حتمی اعلان کر دیا

ٹریولنگ ریزروز میں میتھیو شارٹ اور جیک فریزر مگرک شامل ہیں جب کہ مچل مارش ٹیم کی قیادت کریں گے

پیٹ کمنز ،مچل اسٹارک ،ٹریوس ہیڈ ،گلین میکسویل اور کیمرون گرین وارم اپ میچز کا حصہ نہیں ہوں گے، ٹاپ کرکٹرز 6 جون کو عمان کے خلاف پہلے میچ سے قبل اسکواڈ کو جوائن کریں گے۔

آئی پی ایل پلے آف کا اختتام 26 مئی کو ہو گا، آسٹریلیا کے دو وارم اپ میچز نمیبیا اور ویسٹ انڈیز کے خلاف 29 اور 31 مئی کو شیڈولڈ ہیں۔

کوچ اینڈریو میکڈانلڈ کا کہنا ہے کہ ہم سب بارباڈوس میں اکٹھے ہوں گے اور ٹیم کی حیثیت سے بھرپور تیار ہوں گے، مچل مارش وارم اپ میچز میں بولنگ نہیں کریں گے، کپتان مچل مارش اس وقت ہم اسٹرنگ انجری کی ری کوری کی جانب گامزن ہیں۔