25 مئی ، 2024 
پاکستان
ہتک عزت کا قانون صحافیوں کے لیے انتہائی خطرناک ہے اور آزادی صحافت کے لیے حقیقی خطرہ ہے، سیکرٹری آئی ایف جے
انٹرنیشنل فیڈریشن آف جرنلسٹس کا ہتک عزت قانون پر اظہار تشویش
25 مئی ، 2024
بین الاقوامی صحافتی تنظیم انٹرنیشنل فیڈریشن آف جرنلسٹس نے پنجاب اسمبلی سے منظور ہتک عزت قانون پر تشویش کا اظہار کیا ہے۔
انٹرنیشنل فیڈریشن آف جرنلسٹس نے بل کیخلاف پاکستانی صحافیوں کو مکمل حمایت کی یقین دہانی کراتے ہوئے کہا ہے کہ پاکستانی صحافیوں کی جدو جہد میں ان کے ساتھ کھڑے ہیں۔
سیکرٹری آئی ایف جے انتھونی بلانگر نے کہا ہے کہ آزادی اظہار رائے کی ضمانت آئین پاکستان اور اقوام متحدہ کا چارٹر دیتا ہے ، ہتک عزت کا قانون صحافیوں کے لیے انتہائی خطرناک ہے اور آزادی صحافت کے لیے حقیقی خطرہ ہے۔
یاد رہے کہ چند روز قبل صحافتی تنظیموں کے تحفظات اور اپوزیشن کے احتجاج کے باوجود پنجاب اسمبلی میں ہتک عزت بل 2024 منظور کرلیا گیا تھا۔
