جگر کے عام ترین مرض سے تحفظ کا آسان ترین طریقہ

جگر پر چربی چڑھنے کا مرض ایک دائمی عارضہ ہے جس کا سامنا دنیا بھر میں کروڑوں افراد کو ہوتا ہے۔

عام طور پر اس بیماری کے لیے نان الکحلک فیٹی لیور ڈیزیز کی اصطلاح استعمال کی جاتی ہے اور یہ جگر کے امراض کی عام ترین قسم ہے۔

اس بیماری کے دوران جگر بہت زیادہ مقدار میں چربی ذخیرہ کرنے لگتا ہے اور اس کا علاج نہ ہو تو اس کے افعال تھم جاتے ہیں۔

صحت مند جگر میں چربی کی مقدار بہت کم ہوتی ہے اور اس میں معمولی اضافے کو بھی بیماری تصور کیا جاتا ہے۔

ہزاروں سال قبل مصر میں کینسر کا علاج سرجری کے ذریعے کرنیکی کوشش کی گئی، تحقیق

قدیم مصر میں لوگوں کی جانب سے کینسر کا علاج سرجری کے ذریعے کرنے کی کوشش کی گئی تھی۔

جگر کی اس بیماری کے نتیجے میں میٹابولک امراض جیسے ذیابیطس ٹائپ 2 اور موٹاپے کا خطرہ بھی بڑھ جاتا ہے۔

ابھی اس مرض کا کوئی ایسا علاج دستیاب نہیں جو اس سے نجات دلا سکے۔

مگر اچھی بات یہ ہے کہ چند پھلوں کے استعمال کو عادت بنا کر آپ جگر کے اس عام ترین مرض سے متاثر ہونے کا خطرہ نمایاں حد تک کم کر سکتے ہیں۔

یہ بات آسٹریلیا میں ہونے والی ایک طبی تحقیق میں سامنے آئی۔

چینی سائنسدانوں نے ذیابیطس سے نجات دلانے والا علاج دریافت کرلیا

سائنسدانوں نے ذیابیطس کے ایک 59 مریض کو سیل تھراپی کے ذریعے اس دائمی مرض سے نجات دلانے میں کامیابی حاصل کی۔

ایڈتھ کوون یونیورسٹی کی تحقیق میں چند پھلوں میں پائے جانے والے ایک اینٹی آکسائیڈنٹ ellagic acid کے اثرات کی جانچ پڑتال کی گئی۔

محققین نے بتایا کہ ellagic acid متعدد پھلوں جیسے انار، سیب، انگور، اسٹرا بیری، بلیک بیری اور اخروٹ میں پایا جاتا ہے اور صحت کے لیے مفید ہوتا ہے۔

انہوں نے بتایا کہ یہ اینٹی آکسائیڈنٹ ورم کش ہوتا ہے اور اس کے مرکبات سے جگر کی صحت کو فائدہ ہوتا ہے۔

انہوں نے بتایا کہ اس اینٹی آکسائیڈنٹ سے لیس پھلوں کے استعمال سے جگر پر چربی چڑھنے کے خطرے سے خود کو محفوظ رکھنے میں مدد مل سکتی ہے یا بیماری کے شکار ہونے پر اس سے ہونے والے نقصان کو ریورس کیا جا سکتا ہے۔

آج کل بیشتر افراد کی وہ عام عادت جو کینسر جیسے جان لیوا مرض کا خطرہ بڑھاتی ہے

کینسر کے پھیلاؤ کی ایک اہم وجہ کو دریافت کیا گیا ہے اور وہ ہے رات گئے کھانا کھانے کی عادت۔

ان کا کہنا تھا کہ شواہد سے عندیہ ملتا ہے کہ ellagic acid اور دیگر اینٹی آکسائیڈنٹس کا امتزاج صحت کے لیے مفید ثابت ہوتا ہے۔

محققین کے مطابق یہ اینٹی آکسائیڈنٹ ورم کو کم کرنے کے لیے بہت زیادہ بہتر ہے۔

تاہم انہوں نے تسلیم کیا کہ یہ تحقیق کسی حد تک محدود ہے اور اس حوالے سے مزید تحقیق کی ضرورت ہے۔

اس تحقیق کے نتائج جرنل اینٹی آکسائیڈنٹس میں شائع ہوئے۔