سوشل میڈیا کا زیادہ استعمال نوجوانوں میں ڈپریشن کا خطرہ بڑھاتا ہے، تحقیق

سوشل میڈیا پلیٹ فارمز پر بہت زیادہ وقت گزارنے سے نوجوانوں میں ڈپریشن سے متاثر ہونے کا خطرہ بڑھتا ہے۔

یہ بات امریکا میں ہونے والی ایک طبی تحقیق میں سامنے آئی۔

گزشتہ چند دہائیوں کے دوران نوجوانوں میں ڈپریشن کی شرح میں نمایاں اضافہ ہوا ہے اور ایسا نہیں لگتا کہ مستقبل قریب میں حالات بہتر ہوسکیں گے۔

ایسا مانا جاتا ہے کہ سوشل میڈیا اور ٹیکنالوجی کے استعمال سے نوجوانوں میں ڈپریشن کا خطرہ بڑھتا ہے۔

ہارٹ اٹیک اور فالج کو ہمیشہ خود سے دور رکھنا چاہتے ہیں؟

سیڑھیاں چڑھنے کی عادت سے امراض قلب سے متاثر ہونے اور قبل از وقت موت کا خطرہ کم ہو جاتا ہے۔

جونز ہوپکنز چلڈرنز سینٹر کی تحقیق میں سوشل میڈیا کے استعمال، ڈپریشن اور نوجوانوں کے دیگر رویوں کے درمیان تعلق کی جانچ پڑتال کی گئی۔

اس تحقیق میں 376 نوجوانوں کو شامل کیا گیا تھا جن سے مئی 2021 سے جنوری 2022 کے دوران 3 آن لائن سوالنامے بھروائے گئے۔

ہر بار نوجوانوں سے ڈپریشن کی علامات بھی رپورٹ کرنے کا کہا گیا جبکہ سوشل میڈیا پر گزارے جانے والے وقت، جسمانی سرگرمیوں اور دیگر عناصر کے بارے میں بھی تفصیلات جمع کی گئیں۔

جگر کے عام ترین مرض سے تحفظ کا آسان ترین طریقہ

چند پھلوں کے استعمال کو عادت بنا کر آپ جگر کے اس عام ترین مرض سے متاثر ہونے کا خطرہ نمایاں حد تک کم کر سکتے ہیں۔

محققین نے دریافت کیا کہ تحقیق میں شامل بیشتر نوجوانوں کو ڈپریشن کی علامات کا سامنا تھا۔

تحقیق کے مطابق جو نوجوان سوشل میڈیا پر زیادہ وقت گزارتے ہیں، ان میں ڈپریشن سے متاثر ہونے کا خطرہ بڑھتا ہے۔

اسی طرح نوجوان جتنے زیادہ ڈپریشن کے شکار ہوتے ہیں، وہ سوشل میڈیا کا استعمال بھی زیادہ کرتے ہیں۔

البتہ یہ بھی دریافت کیا گیا کہ سوشل میڈیا کے استعمال سے طویل المعیاد بنیادوں پر ڈپریشن کی علامات کی شدت میں کمی یا اضافہ نہیں ہوتا۔

چینی سائنسدانوں نے ذیابیطس سے نجات دلانے والا علاج دریافت کرلیا

سائنسدانوں نے ذیابیطس کے ایک 59 مریض کو سیل تھراپی کے ذریعے اس دائمی مرض سے نجات دلانے میں کامیابی حاصل کی۔

محققین نے بتایا کہ ہم نے دریافت کیا کہ اگر کوئی فرد ڈپریشن سے متاثر ہے تو وہ اپنا زیادہ سوشل میڈیا پر گزارنے کو ترجیح دیتا ہے۔

انہوں نے یہ بھی دریافت کیا کہ سوشل میڈیا پر بہت زیادہ وقت گزارنے اور ڈپریشن کی سنگین علامات کے درمیان تعلق موجود ہے۔

محققین نے بتایا کہ جو افراد ڈپریشن کا سامنا کر رہے ہوتے ہیں، انہیں سوشل میڈیا پر گزارے جانے والے وقت کے حوالے سے محتاط رہنے کی ضرورت ہوتی ہے۔

ان کا کہنا تھا کہ چار دیواری کے اندر وقت گزارنے، ورزش نہ کرنے اور رات گئے جاگنے جیسی عادات کے اپنے نقصانات ہیں اور ان سے ڈپریشن کا خطرہ بڑھتا ہے۔

آج کل بیشتر افراد کی وہ عام عادت جو کینسر جیسے جان لیوا مرض کا خطرہ بڑھاتی ہے

کینسر کے پھیلاؤ کی ایک اہم وجہ کو دریافت کیا گیا ہے اور وہ ہے رات گئے کھانا کھانے کی عادت۔

محققین کے مطابق نتائج سے واضح ہوتا ہے کہ سوشل میڈیا کے استعمال اور ڈپریشن کے درمیان تعلق موجود ہے مگر ابھی ایسے شواہد موجود نہیں جن سے ثابت ہوتا ہو کہ سوشل میڈیا پر بہت زیادہ وقت گزارنے سے ڈپریشن کی شدت میں طویل المعیاد بنیادوں پر اضافہ ہوتا ہو۔

اس تحقیق کے نتائج انٹرنیشنل جرنل آف مینٹل ہیلتھ اینڈ ایڈکشن میں شائع ہوئے۔