توہین عدالت کیس: مصطفیٰ کمال نے سپریم کورٹ سے غیر مشروط معافی مانگ لی

کراچی: ایم کیو ایم رہنما مصطفیٰ کمال نے عدلیہ مخالف بیان پر  توہین عدالت کیس میں سپریم کورٹ سے غیر مشروط معافی مانگ لی۔ 

ایم کیو ایم پاکستان کے سینئر رہنما مصطفیٰ کمال نے سپریم کورٹ کراچی رجسٹری میں معافی سے متعلق بیان حلفی جمع کرایا جس میں کہا گیا ہےکہ عدلیہ سے متعلق اپنے ہربیان بالخصوص 16مئی کی پریس کانفرنس پرغیر مشروط معافی چاہتا ہوں، اعلیٰ عدلیہ کے ججز کا دل سے احترام کرتا ہوں، عدلیہ اور ججزکے اختیارات اور ساکھ بدنام کرنےکا تصوربھی نہیں کرسکتا۔

مصطفیٰ کمال نے بیان حلفی میں کہا کہ معزز عدالت سے معافی کی درخواست اور خود کو عدالت کے رحم و کرم پر چھوڑتا ہوں۔

یاد رہے کہ سپریم کورٹ نے سینیٹر فیصل واوڈا اور مصطفیٰ کمال کو عدلیہ مخالف بیان دینے پر توہین عدالت کا نوٹس جاری کیا تھا، دونوں کے خلاف توہین عدالت کیس کی سماعت کل ہوگی۔ 

واوڈا اور مصطفیٰ کمال کو توہین عدالت کا شوکاز نوٹس جاری، ذاتی حیثیت میں سپریم کورٹ طلب

ایسا لگتا ہے جیسے کسی خاص مقصد کے تحت یہ کیا گیا،ایک کے بعد ایک پریس کانفرنس کی: چیف جسٹس پاکستان

پراکسی کہہ کرمیری ساکھ مجروح کی گئی: سینیٹر فیصل واوڈا

سینیٹر فیصل واوڈا نے کہا کہ نہ کسی کی تذلیل کی اور نہ کسی کو پوائنٹ آؤٹ کیا، اپنی تقریر کے ایک ایک لفظ پر قائم ہوں۔