04 جون ، 2024 
پاکستان
بانی پی ٹی آئی کے ایکس اکاؤنٹ سےکی گئی پوسٹ سیاسی مخالفین نےتوڑمروڑکرپیش کی: درخواست
پی ٹی آئی نے متنازع ٹوئٹ سے متعلق شکایت اور ایف آئی اے طلبی نوٹس کو چیلنج کر دیا
04 جون ، 2024
پاکستان تحریک انصاف (پی ٹی آئی) کی قیادت نے متنازع ایکس پوسٹ (ٹوئٹ) سے متعلق شکایت اور ایف آئی اے کے طلبی نوٹس کو اسلام آباد ہائیکورٹ میں چیلنج کر دیا۔
چیئرمین پی ٹی آئی بیرسٹر گوہرخان اور سیکرٹری اطلاعات رؤف حسن نے ہائیکورٹ میں درخواست دائر کی۔
درخواست میں مؤقف اختیار کیا گیا ہے کہ بانی پی ٹی آئی کے ایکس اکاؤنٹ سے پوسٹ کا مقصد پاکستان کےلیے یکجا ہونے کا درس دینا تھا، پوسٹ کا مقصد ملک کو بحران سے نکالنے کیلئے نیشنل ڈائیلاگ کے اہتمام کی ترغیب دینا تھا۔
پی ٹی آئی کی درخواست میں کہا گیا ہے کہ بانی پی ٹی آئی کے ایکس اکاؤنٹ سےکی گئی پوسٹ سیاسی مخالفین نے توڑ مروڑکرپیش کی۔
