مسجد کی طرف علامتی تیر چلا کر مسلمانوں کو ہراساں کرنیوالی بی جے پی امیدوار الیکشن ہار گئی

بھارت کے لوک سبھا انتخابات کی مہم کے دوران مسجد کی طرف علامتی تیر چلا کر مسلمانوں کو ہراساں کرنے والی بی جے پی امیدوار مادھوی لٹھا کو بری طرح شکست ہوگئی۔

لوک سبھا اور ریاستی اسمبلیوں کے انتخابات کے بعد آج ووٹوں کی گنتی کا عمل جاری ہے اور بھارتی الیکشن کمیشن کی جانب سے بھی نتائج کا اعلان کیا جا رہا ہے۔

بھارتی میڈیا کے مطابق حیدرآباد میں بی جے پی انتہاپسند امیدوار مادھوی لٹھا کو شکست ہوگئی،انہیں آل انڈیا مجلس اتحاد المسلمین کے سربراہ اسدالدین اویسی نے شکست دی۔

بھارتی انتخابات میں ’اب کی بار 400 پار‘ کا دعوٰی کرنے والے مودی کو دھچکا، بھاری اکثریت نہ لے سکے

ایگزٹ پولز کے دعوے دھرے کے دھرے رہ گئے، موجودہ انتخابات میں بی جے پی 50 سے زائد نشستیں کھوچکی، این ڈی اے کیلئے 300 کا ہندسہ بھی عبور کرنا مشکل ہوگیا

بھارتی میڈیا  کی رپورٹ میں کہا گیا ہے کہ اسدالدین اویسی نے مادھوی لٹھا کو 3 لاکھ 30 ہزار سے زائد ووٹوں کی برتری سے شکست دی۔

مادھوی لٹھا  نے انتخابی مہم کے دوران مسجد کی طرف علامتی تیر چلا کر مسلمانوں کو ہراساں کرنے کی کوشش کی تھی۔