بلڈ شوگر کو کنٹرول کرنے کیلئے ورزش کرنے کا بہترین وقت جان لیں

ورزش ہر ایک کی صحت کے لیے فائدہ مند ہوتی ہے مگر اس کے کرنے کا بہترین وقت کونسا ہوتا ہے؟

اس بات کا تعین کرنا تو آسان نہیں مگر بلڈ شوگر یا گلوکوز کو کنٹرول کرنا چاہتے ہیں تو شام کو ورزش کرنا بہترین ہے۔

یہ بات اسپین میں ہونے والی ایک طبی تحقیق میں سامنے آئی۔

Granada یونیورسٹی کی تحقیق میں بتایا گیا کہ زیادہ بیٹھ کر وقت گزارنے والے افراد اگر شام کو معتدل سے سخت جسمانی سرگرمیوں کو معمول بنائیں تو اس سے بلڈ شوگر کی سطح میں کمی لانے میں مدد ملتی ہے۔

اس تحقیق میں ذیابیطس ٹائپ 2 اور موٹاپے کے شکار افراد میں طرز زندگی کے مختلف عناصر سے مرتب اثرات کی جانچ پڑتال کی گئی۔

وہ مزیدار جوس جو آپ کو امراض قلب سے تحفظ فراہم کرسکتا ہے

چقندر کے جوس کے استعمال سے خون کا بہاؤ بہتر ہوتا ہے جس سے امراض قلب کا خطرہ گھٹ جاتا ہے۔

تحقیق کے دوران دیکھا گیا کہ دن میں کس وقت ورزش کرنے سے بلڈ شوگر کی سطح میں نمایاں بہتری آتی ہے۔

تحقیق میں 186 افراد کو شامل کیا گیا جن کی اوسط عمر 46 سال تھی اور وہ زیادہ جسمانی وزن یا موٹاپے کے شکار تھے۔

14 دن تک ان افراد کی جسمانی سرگرمیوں اور بلڈ گلوکوز کی سطح کو مانیٹرنگ ٹریکر کے ذریعے جانچا گیا۔

اس کے بعد دیکھا گیا کہ صبح 6 سے دوپہر 12 بجے، دوپہر 12 بجے سے شام 6 بجے اور شام کو 6 بجے سے رات بجے تک معتدل سے سخت ورزش کرنے سے بلڈ شوگر کی سطح پر کیا اثرات مرتب ہوتے ہیں۔

آج کل بیشتر افراد موٹاپے کے شکار کیوں ہوتے ہیں؟ اہم وجہ دریافت

ایک تحقیق میں دریافت کیا گیا کہ ہری مرچوں کے زیادہ استعمال اور موٹاپے کے درمیان تعلق موجود ہے۔

نتائج سے معلوم ہوا کہ شام کو ورزش کرنے سے بلڈ شوگر کی سطح میں صبح یا دوپہر کے مقابلے میں 50 فیصد زیادہ کمی آتی ہے۔

یہ تعلق ایسے افراد میں زیادہ مضبوط نظر آیا جو ہائی بلڈ شوگر کے شکار تھے۔

محققین نے بتایا کہ نتائج سے ثابت ہوتا ہے کہ لوگوں کو بلڈ شوگر کی سطح کو کنٹرول میں رکھنے کے لیے دوپہر سے شام کے دوران جسمانی سرگرمیوں کو معمول بنانا چاہیے۔

انہوں نے مزید کہا کہ اگر آپ خود کو ہائی بلڈ شوگر یا ذیابیطس ٹائپ 2 بچانا چاہتے ہیں تو شام کے وقت جسمانی سرگرمیاں اس حوالے سے زیادہ مؤثر ثابت ہو سکتی ہیں۔

وہ بہترین غذا جو جلد موت کا خطرہ ایک تہائی حد تک کم کر دیتی ہے

نباتاتی غذاؤں کا زیادہ استعمال کسی بھی وجہ سے قبل از وقت موت کا خطرہ لگ بھگ ایک تہائی حد تک کم کر دیتا ہے۔

اس تحقیق کے نتائج جرنل اوبیسٹی میں شائع ہوئے۔

اس سے قبل نومبر 2022 میں نیدرلینڈز میں ہونے والی ایک طبی تحقیق میں بتایا گیا تھا کہ دوپہر سے آدھی رات کے درمیان کسی وقت بھی ورزش کرنا انسولین کی مزاحمت کا خطرہ 25 فیصد تک کم کرتا ہے۔

انسولین کی مزاحمت اس وقت ہوتی ہے جب مسلز، چربی اور جگر کے خلیات کو انسولین کے حوالے سے ردعمل میں مشکلات کا سامنا ہوتا ہے جس کے باعث خون میں گلوکوز کی سطح بڑھ جاتی ہے۔

اس تحقیق میں 45 سے 65 سال کی عمر کے افراد کو شامل کیا گیا تھا اور آغاز میں ان کے خون کے نمونوں کے ذریعے بلڈ گلوکوز اور انسولین کی سطح کی جانچ پڑتال کی گئی تھی۔

نمک کی محض ایک گرام اضافی مقدار کے استعمال کا نقصان دہ اثر دنگ کر دے گا

زیادہ نمکین غذاؤں کے شوقین افراد میں جِلد کی سوزش یا ایگزیما کا خطرہ نمایاں حد تک بڑھ جاتا ہے۔

نتائج سے ثابت ہوا کہ دوپہر سے رات کے درمیان جسمانی سرگرمیوں سے جگر میں چربی کی مقدار میں کمی آئی جبکہ انسولین کی مزاحمت بھی گھٹ گئی۔

تحقیق کے مطابق دوپہر یا شام کو ورزش کرنے سے انسولین کی مزاحمت میں 18 سے 25 فیصد تک کمی آتی ہے۔

محققین کا کہنا تھا کہ دن کے مختلف اوقات میں جسمانی سرگرمیاں انسولین کی حساسیت کے حوالے سے مفید ثابت ہوتی ہیں۔

انہوں نے کہا کہ مزید تحقیق میں اس بات کا تجزیہ کیا جائے گا کہ ذیابیطس ٹائپ 2 کی روک تھام کے لیے دن میں کس وقت ورزش کرنا بہتر ہوسکتا ہے۔

اس تحقیق کے نتائج جرنل Diabetologia میں شائع ہوئے۔