حجاج کرام آج بڑے شیطان کی رمی کررہے ہیں

حجاج کرام آج بڑے شیطان کی رمی کررہے ہیں اس کے علاوہ مرد حجاج قربانی کر کے سر منڈوائیں گے اور احرام کھول دیں گے۔

حجاج کرام طواف زیارت کیلئے عام لباس میں مسجدالحرام جائیں گے اور عام لباس ہی میں سعی کریں گے۔

حج کا رکن اعظم وقوف عرفہ ادا کرنے کے بعد لاکھوں حجاج گزشتہ رات مزدلفہ پہنچے تھے، نماز مغرب اور عشا کی ادائیگی کے بعد رمی کے لیے کنکریاں اکٹھی کی تھیں ۔ 

سعودیہ، امارات اور دیگر خلیجی ریاستوں میں عید الاضحیٰ آج منائی جا رہی ہے

مکہ مکرمہ اور مسجد نبویﷺ میں نماز عید کے بڑے اجتماعات کا اہتمام کیا گیا

مسجد نمرہ سے خطبہ حج میں مسجد الحرام کے امام و خطیب شیخ المعیقلی نے کہا کہ دشمن کی شر انگیزی نے فلسطینیوں کا جینا محال کر دیا ہے ۔

ان کا مزید کہنا تھا کہ فلسطینیوں تک غذائی امداد، دوائیاں اور کپڑے پہنچنےنہیں دے رہا، جو ظلم کرتا ہے اس کی پکڑ ہوگی۔

انہوں نے کہا کہ مومنوں کو تکلیف دینے والے کبھی فلاح نہیں پا سکتے ، اللہ فرماتا ہے کسی کو ناحق قتل نہ کرو۔