روہت شرما کی ریٹائرمنٹ کے بعد اب بھارتی ٹی ٹوئنٹی ٹیم کا نیا کپتان کون ہوگا؟

آئی سی سی ٹی ٹوئنٹی ورلڈکپ جیتنے والے کپتان روہت شرما کی ریٹائرمنٹ کے بعد بھارتی ٹی ٹوئنٹی ٹیم کے نئے کپتان سے متعلق نام سامنے آگیا ہے۔

بھارت نے گزشتہ ماہ جنوبی افریقا کو شکست دے کر دوسری بار آئی سی سی ٹی ٹوئنٹی ورلڈکپ اپنے نام کیا۔

ٹی ٹوئنٹی ورلڈکپ جیتنے کے بعد بھارتی کپتان روہت شرما نے اس فارمیٹ سے ریٹائرمنٹ کا اعلان کیا۔

بھارتی میڈیا کے مطابق روہت شرما کی ریٹائرمنٹ کے بعد اب ہاردک پانڈیا کا ٹی ٹوئنٹی ٹیم کی کپتانی کے لیے نام سامنے آرہا ہے۔

  رپورٹ میں کہا گیا ہے کہ سری لنکا کے خلاف ٹی ٹوئنٹی سیریز میں ہاردک پانڈیا بھارتی ٹیم کے نئے کپتان ہوسکتے ہیں جبکہ فاسٹ بولر جسپریت بمراہ کو نائب کپتان بنائے جانے کا امکان ہے۔

روہت شرما کو ون ڈے اور ٹیسٹ کپتان برقرار رکھنے کا اعلان، جے شاہ نے اگلا ہدف بھی بتا دیا

مجھے بھروسہ ہے روہت شرما کی قیادت میں بھارت یہ دونوں ایونٹس جیتے گا: سیکرٹری بی سی سی آئی

بھارتی میڈیا کے مطابق کپتانی کیلئے سوریا کمار کا نام بھی زیر گردش ہے لیکن زیادہ امکان ہے کہ ہاردک پانڈیا بھارت کی ٹی ٹوئنٹی ٹیم کی قیادت کریں گے تاکہ وہ 2026 کے ٹی ٹوئنٹی ورلڈکپ تک گروم ہوجائیں۔

واضح رہے کہ بھارتی کرکٹ ٹیم ان دنوں زمبابوے میں 5 میچز پر مشتمل ٹی ٹوئنٹی سیریز کھیل رہی ہے جس میں سینیئر کھلاڑیوں کو آرام دے کر آئی پی ایل کے ٹاپ پرفارمز کو موقع دیا گیا ہے اور شبھمن گل عارضی طور پر ٹیم کی قیادت کررہے ہیں۔