10 جولائی ، 2024 
آل راؤنڈر عامر جمال کا انجری سے مکمل فٹ ہونے کا دعویٰ
10 جولائی ، 2024
انجری کے حوالے سے آل راؤنڈر عامر جمال کا بیان سامنے آیا ہے جس میں انہوں نے انجری سے مکمل فٹ ہونے کا دعویٰ کردیا۔
عامر جمال نے کہا کہ بدقسمتی سے انجری کی وجہ سے واروکشائر کاؤنٹی کے ساتھ چیزیں پلان کےمطابق نہیں رہیں، مجھے انجری کاؤنٹی چیمپئن شپ کے دوسرے میچ کےدوران ہوئی تھی،ڈاکٹرز کے مشورےکےمطابق میرا ایم آرآئی اسکین کیا گیا۔
آل راؤنڈر کا کہنا ہے کہ ایم آر آئی اسکین میں مجھے کمر میں اکڑاؤ کی تشخیض ہوئی، میڈیکل ٹیم کے ساتھ ری ہیب کا آغاز کیا تھا جو مکمل ہو گیا ، اب میں مکمل فٹ ہوں اور دوبارہ کھیلنے کے لیے تیار ہوں۔
عامر جمال نے کہا کہ واروکشائر کےساتھ بطور غیرملکی کھلاڑی کھیلنےکا وقت اب گزر گیا، ٹیم نےاوورسیز پلیئر کی کیٹیگری میں میری ریپلیسمنٹ لے لی ہے۔
واضح رہے کہ واروکشائر نےگزشتہ روز عامر جمال کی کمر کی انجری کی تصدیق کی تھی، وارکشائر کاؤنٹی نے انجری کی وجہ سے عامر جمال کو باقی میچز سے ریلیز کر دیاتھا۔
آل راؤنڈر عامر جمال نے اپریل میں واروکشائر کاؤنٹی کی ٹیم کو جوائن کیا تھا۔
مزید خبریں :
پاکستان ویمن کرکٹر سدرا امین رشتہ ازدواج میں منسلک
4 گھنٹے پہلے
