اسلام آباد، پنجاب، خیبر پختونخوا اور بلوچستان میں آج موسلا دھار بارش کا امکان

ملک کے بیشتر حصوں میں آج موسلادھار بارش کا امکان ہے۔

محکمہ موسمیات کے مطابق اسلام آباد، پنجاب، خیبر پختونخوا، شمال مشرقی بلوچستان، کشمیر اور گلگت بلتستان میں مزید بارش متوقع ہے، اس دوران کہیں کہیں موسلا دھار بارش ہوسکتی ہے۔

محکمہ موسمیات کے مطا بق آج سندھ کے ساحلی اضلاع کے چند مقاما ت پر ہلکی بارش یا بونداباندی ہو سکتی ہے۔

دوسری جانب گزشتہ روز لاہور سمیت پنجاب کے مختلف علاقوں میں طوفانی بارشیں ہوئیں جس کی وجہ سے معمولات متاثر رہے، بارش کی وجہ سے کئی شہروں میں سڑکوں پر پانی جمع ہوگیا۔

لاہور، شیخوپورہ اور لیہ میں حادثات میں4 خواتین سمیت 6 افراد جاں بحق اور 7 زخمی ہوگئے۔

شیخوپورہ : بارش سے مکان کی چھت گرنے سے 3 خواتین سمیت 4 افراد جاں بحق

زخمیوں کو ابتدائی طبی امداد کےبعد اسپتال منتقل کر دیا گیا۔

لاہور میں 315 ملی میٹر کی بارش نے 30 سالہ ریکارڈ توڑ دیا، ہر طرف جل تھل

لکشمی چوک پر 170، مغل پورہ 145 اور گلشن راوی میں 151ملی میٹر بارش ریکارڈ کی گئی