کراچی میں آج تیز ہواؤں کیساتھ ہلکی بارش کا امکان

کراچی میں آج تیز ہوائیں چلنے اور ہلکی بارش کا امکان ظاہر کیا گیا ہے۔

محکمہ موسمیات کے مطابق آئندہ 24گھنٹوں کے دوران شہر کراچی میں مطلع جزوی ابرآلود رہنے کا امکان ہے۔

محکمہ موسمیات نے بتایا کہ آج شہر میں تیز ہوائیں چلنے کا امکان ہے جبکہ آج شام یا رات میں بوندا باندی یا ہلکی بارش کی توقع بھی کی جا رہی ہے۔

محکمہ موسمیات کے مطابق شہر کا کم سے کم درجہ حرارت 30.5 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 33سے 35 ڈگری سینٹی گریڈ تک رہنے کا امکان ہے۔

محکمہ موسمیات کے حکام کا کہنا ہے کہ ہوا میں نمی کا تناسب 69 فیصد ہے اور سمندری ہوائیں 27 سے 32 کلومیٹر فی گھنٹہ کی رفتار سے چل رہی ہیں۔

اسلام آباد، پنجاب، خیبر پختونخوا اور بلوچستان میں آج موسلا دھار بارش کا امکان

آج سندھ کے ساحلی اضلاع کے چند مقاما ت پر ہلکی بارش یا بونداباندی ہو سکتی ہے

لاہور میں 315 ملی میٹر کی بارش نے 30 سالہ ریکارڈ توڑ دیا، ہر طرف جل تھل

لکشمی چوک پر 170، مغل پورہ 145 اور گلشن راوی میں 151ملی میٹر بارش ریکارڈ کی گئی