17 جولائی ، 2024 
انسٹاگرام میں ملٹی ٹریک آڈیو فیچر کا اضافہ
17 جولائی ، 2024
انسٹاگرام نے ریلز ویڈیوز کے لیے ایک نیا فیچر متعارف کرانے کا اعلان کیا ہے۔
ملٹی ٹریک آڈیو نامی فیچر کا مقصد انسٹاگرام کی مختصر ویڈیوز کو بہتر بنانے میں مدد فراہم کرنا ہے۔
یہ فیچر اس وقت متعارف کرایا گیا جب انسٹاگرام کے سربراہ ایڈم موسیری نے گزشتہ دنوں کہا تھا کہ فوٹو شیئرنگ ایپ میں طویل کی بجائے مختصر ویڈیوز کو ترجیح دی جائے گی۔
اسی مقصد کے لیے یہ نیا فیچر ایپ کا حصہ بنا ہے جس کے ذریعے صارفین ایک ویڈیو میں متعدد آڈیو ٹریکس کا اضافہ کر سکیں گے۔
اس طرح انہیں تھرڈ پارٹی ایپس کا سہارا لینے کی ضرورت نہیں رہے گی۔
ایڈم موسیری کی جانب سے اس نئے فیچر کا اعلان کرتے ہوئے بتایا گیا کہ صارفین ایک ریل ویڈیو میں 20 آڈیو ٹریکس کا اضافہ کر سکیں گے۔
انہوں نے کہا کہ اس فیچر سے صارفین کو انسٹاگرام میں مواد تیار کرنے کے لیے زیادہ تخلیقی آزادی ملے گی۔
ان کا کہنا تھا کہ صارفین ٹیکسٹ کو آڈیو کا حصہ بنا سکیں گے جبکہ ریلز کو اسٹیکرز، کلپس اور دیگر سے ایڈٹ کر سکیں گے۔
آڈیو کلپس کو اوور لیپ بھی کیا جاسکے گا۔
کمپنی کے مطابق اس فیچر سے صارفین اپنی ویڈیو کے لیے درست ٹریکس کو استعمال کر سکیں گے۔
جب کسی صارف کی جانب سے آڈیو پر مبنی ویڈیو تیار کی جائے گی تو دیگر افراد بھی مکسڈ آڈیو کلپس کو استعمال کر سکیں گے۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
