کراچی میں گرمی سے وکلا بھی پریشان،کالا کوٹ پہننے سے استثنیٰ مانگ لیا

کراچی میں گرمی اور  ہیٹ ویو  کی لہر کے باعث بار ایسوسی ایشن نے کالا کوٹ پہننے سے استثنیٰ مانگ لیا۔ 

کراچی بار ایسوسی ایشن نے سیشن ججز کو خط لکھ کر درخواست کی ہے کہ گرمی کے باعث وکلا کےلیے کام کرنا مشکل ہوچکا ہے اس لیے کالا کوٹ پہننے سے استثنیٰ دیا جائے۔ 

جنرل سیکرٹری کراچی بار نے خط میں کہا کہ موسم کی شدت کی وجہ سے وکلا کو 10روز کے لیے کالا کوٹ پہننے سے استثنیٰ دیا جائے، اس ہیٹ ویو میں وکلا کے لیے کالاکوٹ پہننا کسی چیلنج سے کم نہیں ہے۔ 

جنرل سیکرٹری کراچی بار نے کہا کہ شہر  ان دنوں غیرمعمولی ہیٹ ویو کا شکار ہے،کالا کوٹ پر پہن کر کام کرنا مشکل ہوچکا ہے،گرمی کی شدت میں کوٹ پہن کر کام کرنا صحت کےلیے نقصان دہ ثابت ہو رہا ہے۔ 

کراچی میں دو روز کے دوران ہیٹ اسٹروک سے 2 اموات رپورٹ

گزشتہ روز سرکاری اسپتالوں میں ہیٹ اسٹروک کے 49 کیسز رپورٹ ہوئے: محکمہ صحت

کراچی میں پارہ 37 اور گرمی کی شدت 54 ڈگری محسوس کی جانے لگی

شہر میں کہیں کہیں گرج چمک کے ساتھ بارش کی توقع بھی کی جارہی ہے: محکمہ موسمیات