19 جولائی ، 2024 
بلوچستان میں رات گئے بارش، کوہ سلیمان پر اونچے درجے کا سیلاب
19 جولائی ، 2024
بلوچستان کے مختلف شہروں میں رات گئے بارش سے نشیبی علاقے زیر آب آگئے اور کوہ سلیمان پر اونچے درجے کی سیلابی صورتحال ہے۔
محکمہ موسمیات کے مطابق بلوچستان میں کوہ سلیمان پر بارش سے اونچے درجے کی سیلابی صورتحال ہے ، دانا سر میں تیز بارش کے بعد 2 مقامات پر لینڈ سلائیڈنگ ہوئی جس کے نتیجے میں این 50 قومی شاہراہ پر ٹریفک معطل ہوگیا۔
ادھر پنجاب سے کوئٹہ جانے والی مسافر بسیں اور داناسر اور شیرانی کی حدود میں خیبرپختونخوا جانے والی مسافر گاڑیاں پھنس گئیں، ٹریفک میں پھنسی گاڑیاں لینڈسلائیڈنگ کے زد میں آنے کا خدشہ ہے۔
واضح رہے کہ حیدرآباد، مٹیاری، ٹنڈو الہیار اور بھٹ شاہ سمیت سندھ کے مختلف اضلاع میں بارش سے شدید گرمی کا زور ٹوٹ گیا لیکن ساتھ ہی نشیبی علاقے بھی زیر آب آگئے ہیں۔
