ایف پی سی سی آئی کا آئی پی پیز کا فارنزک آڈٹ کرنےکا مطالبہ

کراچی: فیڈریشن آف پاکستان چیمبر آف کامرس اینڈ انڈسٹری (ایف پی سی سی آئی)  نے  آئی پی پیز کا فارنزک آڈٹ کرنےکا مطالبہ کردیا۔ 

کراچی میں پریس کانفرنس کرتے ہوئے ایف پی سی سی آئی کے قائم مقام صدر مہیمن خان کا کہنا تھا کہ ایک بجلی گھر 50 ارب میں لگا اور اسے 400 ارب روپےدے دیےگئے، یہ دن دیہاڑے ڈاکا ہے، آئی پی پیز کا فارنزک آڈٹ کیا جائے۔

قائم مقام صدر  ایف پی سی سی آئی کا کہنا تھا کہ  آئی پی پیز کےکنٹریکٹ میں گڑبڑ ہے تو عالمی سطح  پر کیس لڑا جاسکتا ہے، ہر سیکٹر میں فیکٹریاں بند  اور لوگ بے روزگار  ہورہے ہیں۔

آل پاکستان ٹیکسٹائل ملز ایسوسی ایشن (اپٹما) کے رہنما آصف انعام کا کہنا تھا کہ  آئی پی پیز کا بجلی فروخت معاہدہ ہے بجلی خرید معاہدہ نہیں،  ابھی مزید 16 ہزار میگاواٹ بجلی کے آئی پی پیز آرہے ہیں۔

ان کا کہنا تھا کہ بجلی کھپت 18فیصدکم جب کہ پیداوار  بڑھ رہی ہے،کھپت بڑھانے کے لیے صنعتوں کو سستی بجلی دی جائے۔

ہر صارف آئی پی پیز سے بددیانت معاہدوں پرفی یونٹ24روپے اضافی دینے پرمجبور ہے:گوہراعجاز

آئی پی پیز سے معاہدوں پر نظرثانی تک ملک آگے نہیں بڑھ سکتا، ان نرخوں پر انڈسٹری چل سکتی ہے نہ گھریلو صارفین بل دے سکتے ہیں، سابق نگران وفاقی وزیر

گوہر اعجاز نے وزیر توانائی اویس لغاری سے آئی پی پیز کا ڈیٹا شیئر کرنے کا مطالبہ کردیا

بجلی کی اصل قیمت 30 روپے یونٹ کے بجائے 60 روپے ناجائز وصول کی جارہی ہے: سابق وفاقی وزیر گوہر اعجاز