انزائٹی جیسے عام عارضے سے خطرناک دماغی مرض کا خطرہ 3 گنا بڑھنے کا انکشاف

انزائٹی ایک ایسا عارضہ ہے جو موجودہ عہد میں بہت زیادہ عام ہوتا جا رہا ہے اور اس کا علاج عموماً سائیکو تھراپی یا ادویات سے کیا جاتا ہے۔

اب انکشاف ہوا ہے کہ انزائٹی کے شکار افراد میں دماغی تنزلی کا شکار بنانے والے مرض ڈیمینشیا سے متاثر ہونے کا خطرہ لگ بھگ 3 گنا بڑھ جاتا ہے۔

یہ بات ایک نئی طبی تحقیق میں سامنے آئی۔

Journal of the American Geriatrics Society میں شائع تحقیق میں بتایا گیا کہ انزائٹی اور ڈیمینشیا سے متاثر ہونے کے خطرے کے درمیان تعلق موجود ہے۔

کیا تیز رفتاری سے چہل قدمی کرنے کی عادت ذیابیطس ٹائپ 2 سے تحفظ فراہم کر سکتی ہے؟

تیز رفتاری سے چلنے کی عادت ذیابیطس ٹائپ 2 سے بچانے میں مددگار ثابت ہوتی ہے۔

اس تحقیق میں 2123 افراد کو شامل کیا گیا جن کی عمر 60 سے 81 سال کے درمیان تھی۔

دسمبر 2004 میں شروع ہونے والی اس تحقیق میں ان افراد کی جسمانی اور دماغی صحت کا جائزہ لیا گیا اور مختلف طرح کا طبی ڈیٹا اکٹھا کیا گیا۔

تحقیق کے دوران 3 مراحل میں ہر 5 سال بعد ان افراد کی صحت کا جائزہ لیا گیا۔

محققین نے پہلے اور دوسرے مرحلے میں ان افراد میں انزائٹی کی سطح کا جائزہ لیا اور تیسرے مرحلے میں ڈیمنیشیا کے کیسز کی شرح دیکھی گئی۔

ناشتے میں اس غذا کا استعمال موٹاپے سے نجات دلانے میں مددگار ثابت ہو سکتا ہے

دنیا بھر میں 16 فیصد بالغ افراد موٹاپے کے شکار ہیں۔

اس عرصے میں 64 افراد میں ڈیمینشیا کی تشخٰص ہوئی اور نتائج سے واضح ہوا کہ انزائٹی کے شکار افراد میں دماغی تنزلی کا خطرہ لگ بھگ 3 گنا تک بڑھ جاتا ہے۔

اوسطاً انزائٹی کے شکار افراد میں 10 سال کے دوران ڈیمینشیا کی تشخیص کا خطرہ بڑھتا ہے۔

تحقیق میں دریافت کیا گیا کہ اگر اولین 5 برسوں کے دوران انزائٹی پر قابو پالیا جائے تو ڈیمینشیا کا خطرہ نمایاں حد تک گھٹ جاتا ہے۔

محققین کے مطابق یہ تو کافی عرصے سے معلوم تھا کہ تناؤ سے الزائمر امراض کا خطرہ بڑھتا ہے اور اس تحقیق سے معلوم ہوا کہ انزائٹی پر قابو پاکر ڈیمینشیا سے بچنے میں مدد مل سکتی ہے۔

ماہرین نے گنج پن کا آسان اور مؤثر علاج دریافت کرلیا

ہمارے جسم میں ہی گنج پن کا مؤثر علاج چھپا ہوا ہے۔

انہوں نے کہا کہ نتائج سے یہ بھی اشارہ ملتا ہے کہ انزائٹی کسی چھپے ہوئے دماغی مرض کا ابتدائی اشارہ ہوسکتی ہے۔

انزائٹی کیا ہے؟

انزائٹی جسم کا تناؤ کے لیے قدرتی ردعمل ہے، یہ خوف یا فکر کی ایسی کیفیت ہوتی ہے جو مختلف عناصر کا مجموعہ ہوتی ہے۔

دل کی دھڑکن کی رفتار بڑھ جانا، سانس چڑھنا، تھکاوٹ اور توجہ مرکوز کرنے میں مشکلات اس کی کچھ عام علامات ہیں۔

ویسے ہر فرد میں اس کا اظہاریا علامات مختلف ہوسکتی ہیں، جیسے ایک فرد کو شدید گھبراہٹ کا سامنا ہوسکتا ہے تو دوسرے کو تکلیف دہ خیالات یا ڈر کے دورے پڑسکتے ہیں۔