02 اگست ، 2024 
پاکستان
اپوزیشن لیڈر کی نا اہلی یہ ہےکہ 7 ماہ بعدبھی علیحدہ علیحدہ احتجاج کررہے ہیں: سابق وزیر/ فائل فوٹو
طے ہوگیا ہےکہ بجلی بلوں میں کمی نہیں ہونی: فواد چوہدری
02 اگست ، 2024
لاہور: سابق وفاقی وزیر فواد چوہدری نے کہا ہے کہ یہ بات طے ہوگئی ہے کہ بجلی کے بلوں میں کمی نہیں ہونی۔
لاہور کی انسداد دہشتگردی عدالت کے باہر میڈیا سےگفتگو کرتے ہوئے فواد چوہدری نے کہا کہ حکومت بجلی، تیل اور تنخواہ دار طبقوں پرٹیکس لگا کرپیسا کمارہی ہے، یہ بات طے ہوگئی ہے کہ بجلی کے بلوں میں کمی نہیں ہونی۔
انہوں نے کہا کہ اپوزیشن لیڈر کی نا اہلی یہ ہےکہ 7 ماہ بعدبھی علیحدہ علیحدہ احتجاج کررہے ہیں، جب تک اپوزیشن جماعتیں اکھٹی نہیں ہوتیں حکومت کوکوئی فرق نہیں پڑےگا۔
فواد چوہدری کا کہنا تھا کہ پی ٹی آئی کے 25 لوگ لاپتا ہیں مگر کسی کو پرواہ نہیں۔
