ویڈیو:کوہلی کے ہم شکل کی بنگلا دیش میں جاری مظاہروں میں شرکت

بنگلا دیش میں جاری مظاہروں کے درمیان بھارتی کرکٹر ویرات کوہلی کے ہم شکل ایک شخص کی ویڈیو وائرل ہو رہی ہے جو احتجاج میں بھرپور نعرے لگارہا ہے۔

سوشل میڈیا پر وائرل ہونے والی ویڈیو میں دیکھا جاسکتا ہےکہ ویرات کوہلی کے ہم شکل ایک شخص کو بنگلادیشی نوجوانوں نے کندھے پر اٹھایا ہوا ہے اور وہ بھرپور جوش وخروش سے نعرے لگا رہا ہے۔

ویرات کوہلی کے ہم شکل شخص نے انڈین پریمیئر لیگ کی فرنچائز  رائل چیلنجز بنگلورو کی کیپ پہنی ہوئی ہے۔

بنگلادیشی آرمی میں بڑے پیمانے پر اکھاڑ پچھاڑ، انٹیلیجنس چیف ملازمت سے برطرف

گزشتہ روز طلبہ کے احتجاج پر حسینہ واجد اقتدار چھوڑ کر فوجی ہیلی کاپٹر میں بھارت فرار ہوگئی تھیں جس کےبعد آرمی چیف نے عبوری حکومت بنانے کا اعلان کیا تھا

پہلی نظر میں ایسا معلوم ہوتا ہےکہ یہ بھارتی کرکٹر ویرات کوہلی ہی ہیں جو بنگلادیشی مظاہرین سے اظہار یکجہتی کے لیے احتجاج میں شامل ہوگئے ہیں۔

بھارتی میڈیا کے مطابق مذکورہ ویڈیو 5 اگست کی ہے جب حسینہ واجد کی جانب سے مستعفی ہونے اور بھارت فرار ہونے کی خبر سامنے آئی تھی جس کے بعد بنگلادیشی عوام کی بڑی تعداد سڑکوں پر جشن منانے کے لیے نکل آئی تھی۔

ویڈیوکی سوشل میڈیا پر دھوم مچی ہوئی ہے اور  صارفین اس حوالے سے دلچسپ تبصرے کر رہے ہیں۔

امریکا نے شیخ حسینہ واجد کا ویزا منسوخ کردیا، بھارتی میڈیا کا دعویٰ

برطانیہ میں سیاسی پناہ ملنے تک شیخ حسینہ واجد کے بھارت میں قیام کا امکان ظاہر کیا جارہا ہے

بھارت کا بنگلادیش کی فوجی قیادت سے رابطہ، امن و امان جلد از جلد بحال کرنے پر زور

مودی سرکار بنگلا دیشی آرمی سے رابطے میں ملک میں حالات معمول پر لانے میں مددکے لیے آمادگی ظاہر کر چکی ہے۔