ملک میں سونے کی قیمت میں اضافہ ہوگیا

ملک میں سونے کی فی تولہ قیمت میں ایک ہزار  روپے کا اضافہ ہوا ہے۔

آل پاکستان  جیمز اینڈ جیولرز  ایسوسی ایشن کے مطابق فی تولہ سونےکا بھاؤ ایک ہزار  روپے اضافے سے 2 لاکھ 56 ہزار 500 روپے ہے۔

10 گرام سونے کی قیمت 857 روپے اضافے سے 2 لاکھ 19 ہزار 907 روپے ہے۔

ایسوسی ایشن کے مطابق عالمی بازار  میں سونے کی فی اونس قیمت 37 ڈالر اضافے سے 2 ہزار 430 ڈالر ہے۔  

 پاکستان میں سونا مزید مہنگا ہونے کا خدشہ

خیال رہے کہ ملک میں گزشتہ 5 ماہ سے سونے کی درآمد بند ہونے سے سونا مزید مہنگا ہونے کا خدشہ ظاہر کیا جارہا ہے۔

سرکاری حکام کے مطابق پاکستان ماہانہ اوسطاً 40 سے 50 کلو گرام سونے کی درآمد کر رہا تھا لیکن گزشتہ 5 ماہ یعنی مارچ تا جولائی 2024 کے دوران کسی بھی ملک سے سونا امپورٹ نہیں کیا گیا۔

سرکاری دستاویزات میں بتایا گیا ہے کہ مالی سال 24-2023 میں 262 کلو گرام سونا درآمد کیا گیا، گزشتہ مالی سال سونے کی درآمدات کا حجم پونے 2 کروڑ ڈالر ریکارڈ کیا گیا، مالی سال 23-2022 میں پاکستان نے 567 کلو گرام سونا درآمد کیا۔

دستاویز کے مطابق 23-2022 کے مقابلے 24-2023 میں سونے کی درآمدات میں 44.43 فیصد کمی ہوئی، مالی سال 23-2022 میں سونے کی درآمدات کا حجم 3 کروڑ 6 لاکھ ڈالر تھا۔

ادھر ذرائع نے بتایا کہ گزشتہ 5 ماہ میں امپورٹرز کو سونا درآمد کرنے کی اجازت نہیں دی گئی، سونے کی امپورٹ کیوں بند کی گئی، سرکاری حکام جواب دینے سے گریزاں ہیں تاہم سونے کی امپورٹ بند ہونے سے ملک میں سونا مزید مہنگا ہونے کا خدشہ ہے۔

اس حوالے سے جیولرز کا کہنا ہے کہ قیمتوں میں استحکام کے لیے سونے کی امپورٹ کی اجازت لازمی ہے، اس وقت بھی مختلف شہروں میں سونے کی قلت پیدا ہو چکی ہے۔

سونے کی امپورٹ بند، پاکستان میں سونا مزید مہنگا ہونے کا خدشہ

2022-23 کے مقابلے 2023-24 میں درآمدات میں 44.43 فیصد کمی ہوئی: سرکاری دستاویز ات

امریکا اور برطانیہ کا روسی سونے کی درآمد پر پابندی لگانے کا فیصلہ

برطانیہ نے اس اقدام کو روسی صدر پیوٹن کی جنگی مشین کے دل پر حملہ قرار دیا ہے۔