11 اگست ، 2024 
ترکیے میں انسٹاگرام 9 دن بلاک رہنے کے بعد فعال
11 اگست ، 2024
نو دن تک لاکھوں صارفین تک رسائی سے محروم رہنے کے بعد ترکیہ نے ہفتے کی شام کو سوشل میڈیا پلیٹ فارم انسٹاگرام کو فعال کرنا شروع کر دیا۔
ترک وزیر نے سوشل میڈیا سائٹ ایکس (سابقہ ٹوئٹر) پر جاری کردہ بیان میں بتایا کہ انسٹاگرام کے نمائندوں سے بات چیت کے بعد ترک حکومت نے فیصلہ کیا ہے کہ اب ملک میں ایپلی کیشن کو فعال کردیا جائے گا کیونکہ وہ ہمارے مطالبات پر جواب دینے پر رضامند ہیں۔
ترک وزیر خارجہ کے بیان کے بعد ملک بھر میں آہستہ آہستہ انسٹاگرام فعال ہونا شروع ہو گیا۔
ترک وزیر کا مزید کہنا تھا کہ شروع سے ہی ہم چاہتے ہیں کہ سوشل میڈیا پلیٹ فارمز جمہوریہ کے قوانین کا احترام کرے۔
واضح رہے کہ 2 اگست کو حماس کے سربراہ اسماعیل ہنیہ کی شہادت سے متعلق تعزیتی پوسٹس ڈیلیٹ کرنے پر ترکیہ میں سوشل میڈیا پلیٹ فارم انسٹاگرام کو بلاک کردیا گیا تھا۔
غیر ملکی میڈیا رپورٹ کے مطابق ترکیہ میں انسٹاگرام موبائل ایپ کو بھی ناقابل رسائی کر دیا گیا تھا۔
انسٹاگرام بلاک کرنے کا حکم نامہ ترک انفارمیشن ٹیکنالوجیز، کیمونیکیشن اتھارٹی کی ویب سائٹ پر جاری کیا گیا۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
