جڑواں بیٹوں کا برتھ سرٹیفکیٹ لینے گئے فلسطینی کے گھر پر اسرائیل نے بم گرادیے، نوزائیدہ شہید

غزہ میں اسرائیلی فوج کی بربریت تھمنے کا نام نہیں لے رہی، تازہ بمباری میں مزید 32 فلسطینی شہید ہوگئے۔

غیر ملکی میڈیا رپورٹس کے مطابق وسطی غزہ پٹی  کے شہر دیر البلاح  میں اسرائیلی بمباری میں 2 نوزائیدہ جڑواں بچے بھی شہید ہوئے۔

رپورٹ میں بتایا گیا ہے کہ دیر البلاح کے مشرق میں واقع القستال ٹاورز کا رہائشی گزشتہ روز پیدا ہونے والے اپنے جڑواں بیٹوں کے برتھ سرٹیفکیٹ لینے گیا۔

لیکن پیچھے سے اس کے گھر پر اسرائیلی فوج کا حملہ ہوا اور اس کے جڑواں بچے شہید ہوگئے۔

والد جیسے ہی واپس گھر آیا تو بچوں کے شہید ہونےکی خبر سن کر غم سے نڈھال ہوگیا اور پھوٹ پھوٹ کر رونے لگا۔ 

جڑواں بچوں کے والد نے کہا کہ ہمیں اپنے بچوں کی پیدائش کی خوشی منانے کا بھی وقت نہیں ملا، ان بچوں کا کیا قصور تھا۔

’نہ دنیا میں اور نہ آخرت میں آپ کو معاف کروں گی‘: غزہ کی بچی کا دنیا کو پیغام

فلسطینی بچی نے سوال کیا کہ اگر آپ کے اپنے بچے بھی ان مصائب کا شکار ہوتے تو کیا آپ چپ رہتے؟

اسرائیلی فوج کا غزہ کے التابعین اسکول پر حملہ، امریکا کا اظہار تشویش

غزہ اسکول پر حملے سے متعلق اسرائیلی حکام سے رابطے میں ہیں: امریکا