بھارت: خاتون ٹرینی ڈاکٹر کی عصمت دری اور قتل کیخلاف ڈاکٹروں کا احتجاج جاری

بھارتی شہرکلکتہ میں خاتون ٹرینی ڈاکٹر کی وحشیانہ عصمت دری اور قتل کے خلاف بھارت بھر میں ڈاکٹروں کا احتجاج جاری ہے۔

کئی شہروں میں طبی سہولیات احتجاجاً بند کردی گئی ہیں اور بھارتی ڈاکٹروں کی ایسوسی ایشن نے آج 24 گھنٹے کے لیے ضرروی خدمات کے علاوہ تمام کام بند کرنے کا اعلان کردیا ہے۔

بی جے پی سمیت دیگر سیاسی جماعتیں بھی شہر میں احتجاج کررہی ہیں۔

خاتون ڈاکٹر کے قتل کی تحقیقات بھی جاری ہیں جبکہ بھارتی سی بی آئی نے کالج کے 4 ڈاکٹروں اور سابق پرنسپل کو بھی تفتیش کے لیےطلب کرلیا ہے۔

خیال رہے کہ ایک ہفتے قبل بھارت کے شہر کلکتہ میں ایک 31 سالہ لیڈی ٹرینی ڈاکٹر کی لاش  میڈیکل کالج کے کمرے سے ملی تھی۔

لاش کے پوسٹ مارٹم میں خاتون ڈاکٹر سے زیادتی کی تصدیق ہوئی تھی جس کے بعد مختلف اسپتالوں میں ڈاکٹرز نے کام چھوڑ دیا تھا اور بڑے پیمانے پر مظاہرے بھی کیے گئے تھے۔

کلکتہ میں خاتون ٹرینی ڈاکٹر زیادتی کے بعد قتل، ڈاکٹرز اسپتال چھوڑ کر سڑکوں پر آگئے

ڈاکٹرز کا بتانا ہےکہ پوسٹ مارٹم میں خاتون ڈاکٹر سے زیادتی کی تصدیق ہوئی ہے

بھارت میں لیڈی ڈاکٹر کے بعد نرس سے جنسی زیادتی، لاش جھاڑیوں سے برآمد

نرس کی بہن نے 31 جولائی کو نرس کے لاپتہ ہونے کی رپورٹ درج کروائی اور لاپتہ نرس کی لاش 8 اگست کو ریاست اتر پردیش کے ضلع بلاس پور سے ملی: پولیس