25 اگست ، 2024 
پاکستان کیخلاف تاریخی فتح، مشفیق الرحیم نے انعامی رقم بنگلا دیش کے سیلاب متاثرین کے نام کردی
25 اگست ، 2024
راولپنڈی: پاکستان کے خلاف ٹیسٹ میچ میں 10 وکٹوں کی تاریخ فتخ کے بعد میچ کے بہترین کھلاڑی مشفیق الرحیم نے انعامی رقم بنگلا دیش کے سیلاب متاثرین کو دینے کا اعلان کر دیا۔
بنگلا دیش نے راولپنڈی ٹیسٹ میں پاکستان کو اس کے ہوم گراؤنڈ پر 10 وکٹوں سے شکست دیکر ٹیسٹ کرکٹ میں 30 سال بعد پہلی کامیابی حاصل کی۔
بنگلا دیش کی جانب سے پہلی اننگز میں مشفیق الرحیم نے 191 رنز کی شانداز اننگز کھیلی اور وہ میچ کے بہترین کھلاڑی قرار پائے۔
میچ کے بعد گفتگو کرتے ہوئے مشفیق الرحیم کا کہنا تھا تاریخی کامیابی پر بہت خوش ہیں، پوری ٹیم نے بہت اچھا کھیل پیش کیا اور کامیابی حاصل کی۔
مشفیق الرحیم نے اپنی انعامی رقم بنگلادیش کے سیلاب متاثرین کو دینے کا اعلان بھی کیا۔
یاد رہے کہ بنگلا دیش کو اس وقت شدید سیلابی صورت حال کا سامنا ہے اور گزشتہ روز پاکستان کے وکٹ کیپر بیٹر محمد رضوان نے بھی بنگلا دیش کے سیلاب متاثرین کے لیے عطیات دینے کی اپیل کی تھی۔
اس کے علاوہ وزیراعظم شہباز شریف نے بھی بنگلا دیش کی عبوری حکومت کے سربراہ ڈاکٹر محمد یونس کو فون کر کے سیلاب متاثرین کی مدد کی پیشکش کی تھی۔
مزید خبریں :
چیمپئنز ٹی ٹوئنٹی کپ کا ٹائٹل اسٹالینز نے جیت لیا
26 دسمبر ، 2024
سابق بھارتی کرکٹر کے والد کو غبن کے جرم میں 7 سال قید کی سزا
26 دسمبر ، 2024
بابر اعظم نے ایک اور اعزاز اپنے نام کرلیا
25 دسمبر ، 2024
