راولپنڈی ٹیسٹ میں بنگلادیش کے ہاتھوں 10 وکٹوں سے شکست پر شاہد آفریدی پھٹ پڑے

راولپنڈی ٹیسٹ میں بنگلادیش کے ہاتھوں پاکستان کو 10 وکٹوں کی تاریخی شکست پر قومی کرکٹ ٹیم کے سابق کپتان شاہد آفریدی بھی بول پڑے۔

ایکس اکاؤنٹ پر جاری ایک بیان میں شاہد آفریدی کا کہنا تھا کہ 10 وکٹوں کی شکست اس قسم کی پچ تیار کرنے، 4 فاسٹ بولرز کو منتخب کرنے اور  ایک اسپیشلسٹ اسپنر کو  باہر بٹھانےکے فیصلے پر سنجیدہ سوالات اٹھاتی ہے۔

شاہد آفریدی کا کہنا تھا کہ ان فیصلوں سے ہوم کنڈیشنز کے بارے میں معلومات کی واضح کمی ظاہر ہوتی ہے۔

بنگلادیش کرکٹ ٹیم کی تعریف کرتے ہوئے شاہد آفریدی کا کہنا تھا کہ کچھ بھی ہو بنگلادیش نے جس طرح یہ پورا ٹیسٹ کھیلا ہے اس کا کریڈٹ انہیں دینا ہوگا۔

راولپنڈی ٹیسٹ میں بنگلادیش کی تاریخی فتح، پاکستان کو 10وکٹوں سے شکست

دوسری اننگز میں پاکستانی ٹیم محض 146 رنز بناکر آل آؤٹ ہوگئی تھی اور مہمان ٹیم بنگلادیش کو 30 رنز کا ہدف دیا تھا

ڈومیسٹک میں پنڈی کی وکٹ ایسی نہیں ہوتی تھی، شان مسعود نے شکست کا ملبہ پچ پر ڈال دیا

میرے خیال میں ٹیسٹ میچ کے لیے یہاں کی مختلف پچ تھی، کپتان پاکستان ٹیسٹ ٹیم