کراچی میں بارش کے بعد پارہ گر گیا، گزشتہ رات اگست کی سرد رات ریکارڈ

کراچی: مون سون سسٹم کے تحت ہونے والی بارشوں نے گرمی کی شدت کو دور کیا تو ایسے میں بدلتے موسم نے شہر کے درجہ حرارت کو بھی گرا دیا۔

محکمہ موسمیات کے مطابق رواں ماہ یعنی اگست میں شہر کا کم سے کم درجہ حرارت 23.5 ڈگری سینٹی گریڈ ریکارڈ کیاگیا۔

محکمہ موسمیات نے بتایا کہ اگست کا معمول کا اوسط کم سےکم درجہ حرارت 26.7 ڈگری سینٹی گریڈ رہا ہے جب کہ گزشتہ رات ریکارڈ کیا گیا درجہ حرارت معمول سے 3.2 سینٹی گریڈکم ہے۔

محکمہ موسمیات کے مطابق اگست 2019 میں کم سے کم درجہ حرارت 23 ڈگری سینٹی گریڈ ریکارڈ کیا گیا تھا۔

اب تک کا اگست کم ترین درجہ حرارت کا ریکارڈ 7 اگست 1984 کا ہے جبکہ کم سےکم درجہ حرارت 20 ڈگری سینٹی گریڈ ریکارڈ کیا جا چکا ہے۔

کراچی کے مختلف علاقوں میں تیز ہواؤں کے ساتھ بارش شروع

آئی آئی چندریگر روڈ، صدر، برنس روڈ، ڈیفنس ویو، محمودآباد اور اختر کالونی سمیت مختلف میں بارش کیساتھ تیز ہواؤں کا سلسلہ جاری

طوفان کے ساحلی علاقوں سے ٹکرانے کی صورت میں زیادہ بارشیں ہوں گی، محکمہ موسمیات

سمندری طوفان کے ساتھ چلنے والی ہوا خطرناک ہے اور اس سے انفرااسٹرکچر کو نقصان پہنچنے کاخدشہ ہے، ڈی جی محکمہ موسمیات