04 ستمبر ، 2024 
یوٹیوب کو ٹکر دینے کیلئے ایکس (ٹوئٹر) کی ٹی وی ایپ پیش کر دی گئی
04 ستمبر ، 2024
سوشل میڈیا پلیٹ فارم ایکس (ٹوئٹر) میں پوسٹ کی جانے والی طویل ویڈیوز کو اب اسمارٹ ٹیلی ویژن (ٹی وی) پر دیکھنا ممکن ہو گیا ہے۔
ایکس کے مالک ایلون مسک نے ایکس ٹی وی ایپ متعارف کرانے کا اعلان کیا جو اب محدود صارفین کو دستیاب ہے۔
مخصوص کمپنیوں کے ٹی وی ماڈلز میں یہ ایپ کام کرے گی۔
ایکس کی جانب سے یوٹیوب کو ٹکر دینے کے لیے یہ ٹی وی ایپ متعارف کرائی گئی ہے۔
اسے استعمال کرنے کے لیے ایک ایکس اکاؤنٹ پر لاگ ان ہونا ضروری ہوگا۔
خیال رہے کہ ایکس کے ماہانہ فیس ادا کرنے والے صارفین 2 گھنٹے طویل ویڈیو اس پلیٹ فارم پر پوسٹ کر سکتے ہیں۔
ایلون مسک ایکس کو ویڈیو فرسٹ پلیٹ فارم میں تبدیل کرنا چاہتے ہیں تاکہ کمپنی کی اشتہاری آمدنی میں اضافہ ہو سکے۔
اس سے قبل اکتوبر 2023 میں ایکس میں ویڈیو اور آڈیو کالنگ کا فیچر متعارف کرانے کا سلسلہ شروع ہوا تھا جو اب تمام صارفین کو دستیاب ہے۔
یہ نئی تبدیلیاں ایلون مسک کی جانب سے ٹوئٹر کو سپر ایپ بنانے کے اقدامات کا حصہ ہیں۔
ایلون مسک عرصے سے کہہ رہے ہیں کہ وہ ٹوئٹر کو ایسی ایپ بنانا چاہتے ہیں جہاں ہر قسم کی سروس صارف کو دستیاب ہو۔
مزید خبریں :
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
ناسا کا پارکر مشن سورج کے قریب ترین جانے میں کامیاب
25 دسمبر ، 2024
گوگل والٹ پیمنٹ سسٹم پاکستان آنے کیلئے تیار
25 دسمبر ، 2024
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
