شمالی کوریا: سیلاب سے قبل حفاظتی انتظامات نہ کرنے پر 30 سرکاری افسران کو پھانسی کی اطلاعات

شمالی کوریا میں 30 سرکاری افسران کو سیلاب سے قبل حفاظتی انتظامات نہ کرنے پر پھانسی دینے کی اطلاعات سامنے آئی ہیں۔

جنوبی کوریا کی خفیہ ایجنسی اور میڈیا رپورٹس کے مطابق انہیں ایسے اشارے ملےہیں کہ شمالی کوریا کے سپریم لیڈر کم جونگ اُن کے حکم پر حکمران جماعت کی صوبائی کمیٹی کے سابق سکریٹری سمیت 20 سے 30 افسران کو پھانسی دی گئی ہے۔

کم جونگ اُن حکمران جماعت کے ہنگامی اجلاس میں پہلے ہی سیلاب سے بچاؤ کے لیے حفاظتی انتظامات نہ ہونے پر نقصان کے ذمے داران کو سخت سزا دینے کا اشارہ دے چکے تھے۔

خیال رہے کہ شمالی کوریا میں رواں سال جولائی میں آئے تباہ کن سیلاب سے 1500 افراد ہلاک یا لاپتا ہو ئے تھے جبکہ ہزاروں گھر تباہ ہوگئے تھے۔ 

میڈیا رپورٹس کے مطابق شمالی کوریا کی جانب سے پھانسی دینے کی اب تک سرکاری طور پر کوئی تصدیق نہیں کی گئی اور  نہ ہی آزاد ذرائع نے اس خبر کی تصدیق کی ہے۔

جنوبی کوریا میں سیلاب کے باعث پانی سے بھری سرنگ سے 9 افراد کی لاشیں برآمد

جنوبی کوریا میں بارشوں اور سیلاب کے باعث لینڈ سلائیڈنگ سمیت مختلف واقعات میں اب تک 37 افراد اپنی جان سے ہاتھ دھو بیٹھے ہیں جبکہ 9 افراد لاپتہ ہیں۔

جنوبی کوریا میں سیلاب سے ہلاکتوں کی تعداد 39 ہوگئی

پیرکے روز شمالی صوبے کے شہر چوئنگجو کے انڈر پاس میں 13 افراد ڈوب گئے جن کی لاشیں نکال لی گئی ہیں۔