آئینی ترمیم کیلئے دو تہائی اکثریت درکار، سینیٹ اور قومی اسمبلی میں پارٹی پوزیشن کیا ہے؟

ان دنوں ملک میں سپریم کورٹ کے ججز کی ریٹائرمنٹ کی عمر میں اضافے سے متعلق ممکنہ آئینی ترمیم کا چرچا ہے۔ آئینی ترمیم کے لیے سینیٹ اور  قومی اسمبلی سے الگ الگ دو تہائی اکثریت  درکار ہوتی ہے۔

دو تہائی اکثریت کے لیے قومی اسمبلی میں 224  اور  سینیٹ میں 63  ووٹ درکار ہوتے ہیں ۔

قومی اسمبلی میں حکومتی نشستوں پر 211 ارکان جب کہ اپوزیشن بنچزپر 101 ارکان موجود ہیں۔  ایسے میں اگر  حکومت آئینی ترمیم  لانا چاہے تو اسے مزید 13 ووٹ درکار ہوں گے۔

ججز ریٹائرمنٹ آئینی ترمیم، حکومت کو قومی اسمبلی میں دو تہائی اکثریت حاصل، سینیٹ میں ووٹ کم پڑگئے

سینیٹ میں اکثریت کیلئے تین ووٹ کم ہیں جو کسی بھی وقت حاصل ہونے کی توقع ہے: سرکاری ذرائع

قومی اسمبلی میں پاکستان مسلم لیگ ن کے 110، پاکستان پیپلز پارٹی پارلیمنٹیرین کے 68، متحدہ قومی موومنٹ پاکستان کے 22، استحکام پاکستان پارٹی  اور  پاکستان مسلم لیگ ق کے چار 4، پاکستان مسلم لیگ ضیا، بلوچستان عوامی پارٹی اور نیشنل پارٹی کا 1 ایک ایک رکن ہے۔

قومی اسمبلی میں اپوزیشن نشستوں پر سنی اتحاد کونسل کے 80،  پی ٹی آئی حمایت یافتہ 8 آزاد  ارکان ، جمیعت علماء اسلام  کے 8،  بلوچستان نیشنل پارٹی، مجلس وحدت المسلمین  اور   پشتونخوا ملی عوامی پارٹی کا ایک ایک رکن ہے۔

آزاد حیثیت سے منتخب ہو کر مسلم لیگ ن اور مسلم لیگ ق میں شمولیت اختیار کرنے والے ایک ایک رکن بھی اپوزیشن نشستوں پر ہیں۔

سینیٹ میں حکومتی بنچز  پر پاکستان پیپلز پارٹی کے 24، مسلم لیگ ن کے 19،بلوچستان عوامی پارٹی کے 4، ایم کیو ایم کے 3 ارکان ہیں۔ حکومتی بنچز پر 2 آزاد سینیٹرز جب کہ 2 ارکان انڈیپنڈنٹ بنچز پر ہیں۔

یوں ایوان بالا میں ان کی مجموعی تعداد54  بنتی ہے، اس لیے آئینی ترمیم کے لیے حکومت کو مزید 9  ووٹ درکار  ہیں۔

سینیٹ میں اپوزیشن بنچز  پر  پی ٹی آئی کے 17، جے یو آئی کے 5، اے این پی کے 3، سنی اتحاد کونسل ، مجلس وحدت المسلمین ، بلوچستان نیشنل پارٹی، نیشنل پارٹی اور مسلم لیگ ق کا ایک ایک سینٹر ہے۔

 اپوزیشن بنچز پر ایک آزاد سینیٹر بھی ہیں ، اس طرح سینیٹ میں اپوزیشن بنچز  پر 31 سینیٹرز  موجود ہیں۔

اعداد و شمار کے مطابق آئینی ترمیم کے لیے حکومت کو قومی اسمبلی کے مزید 13 اور سینیٹ کے 9 ارکان کی حمایت درکار ہے۔

اداروں کے بڑے ایکسٹینشن کی فکر میں ہیں، پارلیمنٹ کو سپریم بنانا ہوگا: مولانا فضل الرحمان

بات کرنے کی آزادی ہونی چاہیے، یہاں فوج یا بلوچستان کی بات کریں تو ایجنسیاں آ کر پکڑ کر لے جاتی ہیں، مولانا فضل الرحمان

ججوں کی مدت ملازمت میں اضافے سے متعلق آئینی ترمیم پر حتمی فیصلہ نہیں ہوا: رانا ثنااللہ

آئینی ترمیم پر حتمی فیصلہ نہیں ہوا اور نہ ہی آئینی ترمیم کے لیے اسمبلی میں نمبرز پورے ہیں: رانا ثنا اللہ