14 ستمبر ، 2024 
ڈاکٹر نرس کی محبت سے بیزار آگیا، ایک ہزار کالز اور مسلسل پیچھا کرنے پر عدالت چلاگیا
14 ستمبر ، 2024
محبت میں کچھ لوگ جنونی ہوجاتے ہیں اور اسے پانے کے لیے کچھ بھی کرتے ہیں جب کہ ایسا ہی ایک واقعہ انگلینڈ میں پیش آیا جہاں ایک خاتون نرس نے ڈاکٹر کے پیچھے پڑ گئی جس پر ڈاکٹر تنگ آکر عدالت جاپہنچا۔
غیر ملکی خبر رساں ادارے کے مطابق انگلینڈ کے ایک اسپتال میں کام کرنے والی 30 سالہ صوفی کول وِل نامی نرس 54 سالہ ڈینٹسٹ ڈاکٹر ڈیوڈ کے عشق میں مبتلا ہوگئی اور جب اس محبت کا انجام بریک اپ پر ہوا تو صوفی نے اپنی جنونی محبت کے آگے ڈاکٹر ڈیوڈ کا جینا دوبھر کردیا۔
میڈیا رپورٹس میں بتایا گیا ہےکہ اہلیہ کے انتقال کے بعد ڈیوڈ نے اسپتال میں کام کرنے والی نرس صوفی سے دوستی کرلی تھی، شروع میں صوفی جہاں ڈیوڈ کے لیے ایک تازہ ہوا کا جھونکا تھی وہیں بعد میں ڈاکٹر کیلئے مصیبت بن گئی اور پھر ڈیوڈ نے صوفی سے تنگ آکر عدالت جانے کافیصلہ کیا۔
عدالت میں دیے گئے بیان میں ڈاکٹر ڈیوڈ نے بتایا کہ بریک اپ کے بعد صوفی نے اسے ایک دن میں ایک ہزار کالز کیں حتیٰ کہ اس کی کار میں ٹریکنگ ڈیوائس بھی رکھ دی۔
ڈیوڈ کے مطابق نرس اس کے بیڈروم تک رسائی کیلئے ان کے عالیشان گھر میں گھس گئی اور بیڈروم میں چھپ کر ڈاکٹر ڈیوڈ کا انتظار کرنے لگی ، جب ڈاکٹر کو اپنے بیڈروم میں کسی کی موجودگی کا احساس ہوا تو صوفی کمرے کی کھڑکی سے بھاگ نکلی۔
بعد ازاں ایک موقع پر صوفی نے ڈاکٹر سے اس کا موبائل بھی چھیننے کی کوشش کی۔
عدالت نے فریقین کے دلائل سننے کے بعد صوفی کو 20 ہفتے قید کی سزا سنادی اور ساتھ ہی 5 سال تک ڈیوڈ سے ملنے، ان کے گھر یا اسپتال کے قریب بھی نہ جانے کی پابندی عائد کردی۔
مزید خبریں :
ایشیا اور یورپ کو آپس میں جوڑنے والا منفرد جزیرہ
20 دسمبر ، 2024
وہ خاندان جس کے ہاں 65 سال بعد پہلے لڑکے کی پیدائش
18 دسمبر ، 2024
آخر اس ٹیپ میں یہ دھاتی ٹکڑا کیوں ہوتا ہے؟
18 دسمبر ، 2024
