ایرانی صدر مسعود پزشکیان کی سعودی ولی عہد کو دورہ ایران کی دعوت

ایرانی صدر مسعود پزشکیان نے سعودی ولی عہد محمد بن سلمان کو دورہ ایران کی دعوت دے دی۔ 

تہران میں میڈیا سے گفتگو کرتے ہوئے ایرانی صدر نے کہا کہ سعودی ولی عہد کو باضابطہ دعوت نامہ دیا گیا ہے اور وہ خود بھی جلد سعودی عرب کا دورہ کریں گے۔ 

ایرانی صدر کا کہنا تھا کہ حماس کے سابق سربراہ اسماعیل ہنیہ کے قتل سے اسرائیل ایران کو علاقائی جنگ میں گھسیٹنا چاہتا تھا لیکن امن و استحکام کے لیے خود کو روکا تاہم ایران اپنے دفاع کا حق رکھتا ہے۔ 

ایرانی صدر نے اسرائیل پر حملے میں استعمال ہونے والے ہائپرسونک بیلسٹک میزائل یمن کے حوثیوں کو دینے کی بھی تردید کی۔

حوثیوں کا اسرائیل پر ہائپر سونک بیلسٹک میزائل سے حملہ، متعدد افراد زخمی

ہائپر سونک بیلسٹک میزائل نے 2000 کلومیٹر سے زائد کا سفر صرف 11 منٹ میں طے کیا اور اسرائیل میں اپنے ٹارگٹ تک پہنچا، حوثی ترجمان

حوثیوں نے اسرائیل پر ہائپرسونک میزائل داغنے کی ویڈیو جاری کردی

حوثی گروپ کی جانب سے داغے جانے والے ہائپرسونک میزائل کا نام ’فلسطین 2‘ ہے۔