پاکستان میں چیمپئنز ٹرافی کیلئے تیاریاں تیز، آئی سی سی وفد کا نیشنل اسٹیڈیم کراچی کا دورہ

کراچی: انٹرنیشنل کرکٹ کونسل (آئی سی سی) کے وفد نے چیمپئنز ٹرافی کے انتظامات کا جائزہ لینے کیلئے نیشنل اسٹیڈیم  کا دورہ کیا۔

آئی سی سی کا 5 رکنی وفد 4 روزہ دورہ پاکستان پر آیا ہوا ہے جس نے نیشنل اسٹیڈیم سے اپنے دورے کا آغاز کیا۔

آئی سی سی کے وفد میں سکیورٹی مینیجر ڈیوڈ مسکر، ایونٹ مینیجر سارا ایڈگر، جی ایم کرکٹ وسیم خان، ایونٹ مینیجر عون زیدی اور براڈ کاسٹر کنسلٹنٹ منصور منج شامل تھے۔

وفد نے نیشنل اسٹیڈیم کراچی میں جاری تعمیراتی کام کا جائزہ لیا، تعمیراتی کام کی تصاویر اور ویڈیو بھی بنائیں۔

ڈائریکٹر انٹرنیشنل عثمان واہلہ اور سینئر جنرل مینیجر نیشنل اسٹیڈیم ارشد خان نے وفد کو تعمیراتی کام پر تفصیلی بریفنگ بھی دی۔

اس کے علاوہ  5 رکنی وفد راولپنڈی اسٹیڈیم اور قذافی اسٹیڈیم لاہور کا بھی دورہ کرے گا اور 21 ستمبر کو دبئی روانہ ہو جائے گا۔

واضح رہے کہ اپریل میں بھی آئی سی سی کے 3 رکنی وفد نے پاکستان میں چیمپئنز ٹرافی کے انتظامات کا جائزہ لیا تھا جب کہ  چیمپئنز ٹرافی آئندہ سال فروری میں پاکستان میں شیڈول ہے۔

کوشش ہے چیمپئنز کپ میں اچھا پرفارم کرکے قومی ٹیم میں کم بیک کروں: فہیم اشرف

فیصل آباد میں جاری چیمپئنز کپ میں فہیم اشرف ڈولفنز کی جانب سے ایکشن میں نظر آرہے ہیں۔

گیری کرسٹن آج چیمپئنز کپ میں شریک ٹیموں کے کوچز سے اہم ملاقات کریں گے

پاکستان وائٹ بال کوچ گیری کرسٹن ان دنوں فیصل آباد میں موجود ہیں اور چیمپئنز کپ کے متعدد میچز کا مشاہدہ کر رہے ہیں