اسٹاک ایکسچینج میں مسلسل دوسرے روز زبردست تیزی، 100 انڈیکس نئی ریکارڈ بلندی پر

پاکستان اسٹاک ایکسچینج مسلسل دوسرے زبر دست تیزی دیکھنے میں آ رہی ہے اور 100 انڈیکس نئی تاریخی حد کو چھو گیا ہے۔ 

پاکستان اسٹاک ایکسچینج میں کاروباری ہفتے کے آخری روز پہلے سیشن کا اختتام مثبت ہوا اور 100 انڈیکس نئی ریکارڈ حد کو چھو گیا، بلندترین سطح 82372 ریکارڈ کی گئی۔

پہلےکاروباری سیشن میں 100 انڈیکس 677 پوائنٹس اضافے سے 82136 پر بند ہوا جس میں 19.7 کروڑ شیئرز کے سودے 10.66 ارب روپے میں طے ہوئے۔

یاد رہے کہ گزشتہ روز بھی پاکستان اسٹاک ایکسچینج کے 100 انڈیکس میں 1500 سے زائد پوائنٹس کا اضافہ دیکھا گیا تھا اور انڈیکس نے 82 ہزار کی حد عبور کی تھی جو ایک نیا ریکارڈ تھا۔ 

گزشتہ روز پاکستان اسٹاک ایکسچینج کے حوالے سے بلوم برگ کی رپورٹ بھی سامنے آئی تھی جس میں پاکستان اسٹاک ایکسچینج کو سال 2024 میں دنیا کی بہترین مارکیٹ قرار دیا گیا تھا۔

پاکستان اسٹاک ایکسچینج 2024 میں دنیا کی بہترین مارکیٹ رہی ہے، بلوم برگ

پاکستان اسٹاک ایکسچینج کا 100انڈیکس ایک دہائی کی سب سے زیادہ بیرونی خریداری پر بند ہوا ہے: بلوم برگ

اسٹاک ایکسچینج میں تیزی،کاروبار کے دوران 100 انڈیکس نئی بلند ترین سطح پر پہنچ گیا

پاکستان اسٹاک ایکسچینج کا 100 انڈیکس پہلی بار 82 ہزار کی سطح عبور کرگیا