پی سی بی نے ریڈ بال کے ہائی پرفارمنس کوچ کیلئے اشتہار دیدیا

پاکستان کرکٹ بورڈ نے ریڈ بال ٹیم کے ہائی پرفارمنس کوچ کی تلاش کے لیے اشتہار جاری کردیا۔

ہائی پرفارمنس کوچ، ہیڈ کوچ کی گیم پلاننگ میں معاونت کرے گا جب کہ ہائی پرفارمنس کوچ پرفارمنس میں اضافے کے لیے ٹورنامنٹس سے پہلے اور بعد میں تیاریوں کے حوالے سے بھی ہیڈ کوچ کے ساتھ مل کر کام کرے گا۔

ریڈ بال کرکٹ کھیلنے والا بولر وائٹ بال میں بھی اچھی کارکردگی دکھا سکتا ہے: میر حمزہ

میری کارکردگی سے ٹیم کو فائدہ ہوتا ہے تو حقیقی خوشی ملتی ہے: میر حمزہ

پی سی بی کے مطابق5 سالہ تجربہ اور کم از کم لیول 2 کوچ درخواست دینے کے اہل ہیں، خواہشمند امیدوار 7 اکتوبر تک درخواستیں جمع کرا سکتے ہیں۔

بنگلا دیش کے خلاف سیریز میں ٹم نیلسن نے ہائی پرفارمنس کوچ کی ذمے داری نبھائی تھی، انہیں ساؤتھ آسٹریلیا سے ریڈ بال کوچ جیسن گلیسپی لائے تھے۔

ذرائع کا کہنا ہے کہ ٹم نیلسن ہی ریڈ بال کے ہائی پرفارمنس کوچ ہوں گے، باقاعدہ تقرری کے لیے ضروری کارروائی کے طور پر اشتہار دے دیا گیا ہے۔