پی ٹی آئی جلسہ: پنجاب کےکس شہر سےکتنے افراد شریک ہوئے؟ صوبائی حکومت نے تعداد بتادی

پنجاب حکومت کی جانب سے لاہور میں پی ٹی آئی کے جلسے میں صوبے سے شریک افراد کی تعداد جاری کردی گئی۔

لاہور میں پریس کانفرنس کرتے ہوئے وزیر اطلاعات پنجاب عظمیٰ بخاری کا کہنا تھا کہ  جلسے کے لیے تمام صوبوں سے لوگ یہاں بلوائےگئے تھے،  اب گنڈا پورکا انتظار  ہےکہ آکر  جلسے کو بچائیں، لاہور میں ہو کا عالم ہے۔

عظمیٰ بخاری نے دعویٰ کیا کہ لاہور سے 1500 سے 1600 لوگوں نے شرکت کی ہے، گوجرانوالا  سے 65 سے 85 لوگ آئے ہیں، فیصل آباد سے 63 سے 77 لوگ آرہے ہیں، ساہیوال سے 26 سے 32 لوگ موجود ہیں، ملتان سے 117 سے 155 لوگ موجود ہیں۔

’ہو کا عالم ہے، گنڈا پور آکر جلسہ بچاؤ‘، عظمیٰ بخاری کا جلسے کی ویڈیو پوسٹ کرکے طنز

حکومت پنجاب کی جانب سے پاکستان تحریک انصاف کو مویشی منڈی کاہنہ میں جلسے کی اجازت دی گئی ہے

وزیر اطلاعات پنجاب کا کہنا تھا کہ  ڈی جی خان سے 100 سے 150 لوگ موجود ہیں، میں نے خود لاہور کی مختلف سڑکوں کی ویڈیو بنائی ہے۔کون کون سا لیڈر کتنے لوگ لایا ہے میرے پاس پورا پلندہ ہے، عالیہ حمزہ بھی 100 سے 150 لوگوں کے ساتھ تشریف لائی ہیں، سردار لطیف کھوسہ صاحب 20 سے 25 لوگوں کے ساتھ جلسہ گاہ آئے، شیخ امتیاز صاحب 15 سے 20 لوگوں کے ساتھ آئے ہیں۔

 ان کا کہنا تھا کہ  رائے حسن نواز  60 سے 70 لوگوں کے  ساتھ آئے ہیں، عمر ڈار 20 لوگوں کے ساتھ جلسہ گاہ آئے ہیں، ملک تیمور مسعود 5 لوگوں کے ساتھ گاڑی پر آئے، پنجاب  سے 3 ہزار لوگ جلسہ گاہ میں موجود ہیں، حلیم عادل شیخ کراچی سے لاہور فتح کرنے 60 لوگوں کے ساتھ آئے ہیں۔

عظمی بخاری نے مزید کہا کہ عوام نے فتنہ فساد کو مسترد کیا ہے، پنجاب سے پی ٹی آئی کا خاتمہ ہوگیا ہے،کنٹینر لگانے اور لوگوں کو روکنے کا پراپیگنڈا کیا جا رہا ہے۔

اس موقع پر صوبائی وزیر خواجہ عمران نذیر کا کہنا تھا کہ مجھ سے قسم لے لیں ایک سنگل بندہ نہیں ملا جو جلسہ گاہ جارہا ہو، اس جلسی سے زیادہ لوگ تو شادی میں شامل ہوتے ہیں۔

تحریک فساد کے غنڈوں نے ابھی سے سڑکیں بند کرکے جلاؤ گھیراؤ شروع کردیا ہے: عظمیٰ بخاری

یہ لاہور میں مین بلیوارڈ گلبرگ پر دندنا رہے ہیں، اب ان پر ایکشن ہوگا تو یہ رونا شروع کردیں گے: صوبائی وزیراطلاعات پنجاب کا بیان

پنجاب حکومت کا 9 مئی کے اشتہاری ملزمان کو جلسہ گاہ سے گرفتار کرنے کا اعلان

گنڈا پور تحریری معذرت نہ کریں جلسے میں معافی مانگ لیں، ہم قبول کر لیں گے: صوبائی وزیر اطلاعات