بلوچستان میں 5 ہزار والدین کا بچوں کو پولیو وائرس سے بچاؤ کے قطرے پلانے سے انکار

بلوچستان میں 5 ہزار والدین کا بچوں کو پولیو وائرس سے بچاؤ کے قطرے پلانے سے انکار کر دیا۔

محکمہ صحت کے مطابق بلوچستان میں 5 ہزار والدین بچوں کو  پولیو وائرس سے بچاؤ کے قطرے پلانے سے انکاری ہیں ،صوبے میں رواں سال 14بچے پولیووائرس سے متاثرہ ہو کر معذور ہو گئے ہیں۔

محکمہ صحت ذارئع کے مطابق بلوچستان میں انسداد پولیو کی حالیہ 7روزہ قومی مہم کے دوران پولیوکےقطرے پلانےسے انکاری والدین کے کیسز رپورٹ ہوئے ہیں۔

 محکمہ صحت ذارئع کے کا کہنا ہے کہ مہم 9 تا 15 ستمبر کے دوران چلائی گئی تھی ،انسداد پولیو کی مہم میں تقریباً 5 ہزار ایسے والدین رپورٹ ہوئے جو اپنے بچوں کو پولیو سے بچاو کے قطرے پلانےسے انکاری رہے۔

بلوچستان میں رواں سال پولیو وائرس کے14 کیس رپورٹ ہوئے ہیں ، ان میں سب سے زیادہ 6 کیسز ضلع قلعہ عبداللہ سے رپورٹ ہوئے ہیں۔

کراچی میں رواں سال کا دوسرا پولیو کیس رپورٹ، 38 ماہ کی بچی مفلوج ہوگئی

38 ماہ کی بچی کے اہل خانہ حال ہی میں وزیرستان سے کیماڑی منتقل ہوئے

اس کے علاوہ کوئٹہ میں رواں سال 2 بچے پولیو وائرس سے متاثر ہوئے ہیں ، چمن، جھل مگسی ، ژوب،خاران، ڈیرہ بگٹی اور قلعہ سیف اللہ سے پولیو کا ایک ایک کیس رپورٹ ہوا ہے۔متاثرہ بچوں میں سے 3 کاانتقال ہوا ہے۔

 حکام نے صوبے میں رواں سال پولیو کے کیسز رپورٹ ہونے پر سخت تشویش کا اظہار کیا ہے ۔