'5 اکتوبر عمران خان کی سالگرہ ہے'، پی ٹی آئی نے مینار پاکستان پر جلسے کیلئے درخواست دیدی

پاکستان تحریک انصاف نے 5 اکتوبر کو بانی پی ٹی آئی عمران خان کی سالگرہ پر لاہور میں مینار پاکستان پر جلسے کی نئی درخواست دے دی۔

پی ٹی آئی سینٹرل پنجاب کے سینیئر نائب صدر  کی جانب سے ڈی سی لاہور کو مینار پاکستان پر جلسے کیلئے  درخواست جمع کرائی گئی جس میں کہا گیا کہ 5 اکتوبر بانی پی ٹی  آئی کی سالگرہ ہے،جلسے کی اجازت دی جائے۔

درخواست میں کہا گیا کہ ہمیں اپنے لیڈر کی سالگرہ کی تقریب منانے کی اجازت دی جائے، شام 5 بجے سے رات 10 بجے تک جلسہ کرنا چاہتے ہیں۔

درخواست میں یقین دلایا گیا کہ جلسے کے شرکاء تمام قانونی ضابطوں پر عمل کریں گے۔

وقت ختم ہوتے ہی لاہور پولیس نے پی ٹی آئی کا جلسہ رکوادیا، کنٹینر پر چڑھ کر رہنماؤں کو اتارا

جلسے کا وقت ختم ہونے پر ڈی جے نے ساؤنڈ سسٹم بند کیا، پولیس نے لائٹس بند کرائیں جس سے جلسہ گاہ میں اندھیرا چھا گیا، علی امین جلسہ ختم ہونے کے بعد پہنچے

اس کے علاوہ درخواست میں کہا گیا کہ مینار پاکستان میں فضل الرحمان،طاہرالقادری بھی جلسہ کرچکےہیں، پاکستان تحریک انصاف کو بھی مینارپاکستان پر جلسے کی اجازت دی جائے۔

واضح رہے کہ ہفتے کوپاکستان تحریک انصاف (پی ٹی آئی)  نے لاہور میں کاہنہ کے مقام پر جلسہ کیا تھا لیکن جلسہ کا وقت ختم ہوتے ہی اسے روک دیا گیا تھا اور پولیس نے مائیک اورلائٹس بند کرا دی تھیں۔