26 ستمبر ، 2024 
اسٹاک ایکسچینج کا 100 انڈیکس بلند ترین سطح پر پہنچنے کے بعد نیچے آگیا
26 ستمبر ، 2024
آئی ایم ایف معاہدے پر پاکستان اسٹاک ایکسچینج میں کاروبار کے آغاز پر تیزی رہی، 100 انڈیکس نے تاریخ کی بلند ترین سطح بھی بنائی لیکن کاروبار کا اختتام 589 پوائنٹس کمی پر ہوا۔
گزشتہ روز آئی ایم ایف نے پاکستان کی معاشی اصلاحات کی تعریف کرتے ہوئے پاکستان کے لیے 7 ارب ڈالر کے بیل آؤٹ پیکج کا اعلان کیا تھا۔
اس حوالے سے آئی ایم ایف کی منیجنگ ڈائریکٹر کرسٹا لینا جارجیوا کا کہنا تھا پاکستانی حکومت اور عوام کو مبارک ہو، پاکستان نے اصلاحات کی ہیں جس سے معیشت بہتر ہوئی، پاکستان کی معیشت درست سمت میں جارہی ہے، معیشت کی گروتھ اور مہنگائی میں کمی ہورہی ہے۔
آئی ایم ایف سے معاہدے کے اثرات پی ایس ایکس پر بھی دیکھے گئے اور آج کاروبار کے آغاز سے ہی 100 انڈیکس میں تیزی دیکھنے میں آئی۔
کاروبار کے دوران ایک موقع 100 انڈیکس 658 پوائنٹس اضافے سے 82905 کی نئی ریکارڈ بلندی پر ٹریڈ کرتا دیکھا گیا جو انڈیکس کی بلند ترین سطح ہے۔
تاہم اس موقع پر بازار کا دھیان بدلا جو انڈیکس کو 589 پوائنٹس نیچے لے آیا۔ انڈیکس نے کاروبار کا اختتام 81 ہزار 657 پر کیا۔ بازار میں آج 42 کروڑ شیئرز کے سودے ہوئے جن کی مالیت 17 ارب 66 کروڑ روپے رہی۔ مارکیٹ کیپٹلائزیشن 71 ارب روپے بڑھ کر 10 ہزار 713 ارب روپے ہے۔
یاد رہے کہ گزشتہ روز بھی پاکستان اسٹاک ایکسچینج میں کاروبار کا مثبت دن رہا تھا اور 100 انڈیکس 764 پوائنٹس اضافے سے 82247 پر بند ہوا تھا۔
مارکیٹ میں 42 کروڑ شیئرز کے سودے 18.38 ارب روپے میں طے ہوئے تھے جبکہ مارکیٹ کیپٹلائزیشن 99 ارب روپےبڑھ کر 10784 ارب روپے رہی تھی۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
6 گھنٹے پہلے
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
