ایران ہرصورت لبنان کا ساتھ دے گا: ایرانی وزیر خارجہ

تہران: ایرانی وزیر خارجہ عباس عراغچی نے کہا ہے کہ اسرائیل نے بیروت پر حملے میں امریکی بنکربسٹربم استعمال کیے۔

ایرانی میڈیا نے دعویٰ کیا ہے کہ بیروت پر ہونے والے اسرائیلی حملے میں حزب اللہ کے سیکرٹری جنرل حسن نصراللہ اور تحریک کی ایگزیکٹو کونسل کے سربراہ سید ہاشم صفی الدین بالکل صحت مند ہیں، اسرائیلی حملے سے انہیں کوئی نقصان نہیں ہوا۔

اس حوالے سے ایرانی وزیر خارجہ عباس عراغچی نے کہا کہ اسرائیل نے بیروت پر حملے میں امریکی بنکربسٹربم استعمال کیے، ایران ہرصورت لبنان اور مزاحمت کا ساتھ دے گا۔

بیروت حملے کے بعد ایرانی سپریم لیڈر آیت اللہ خامنہ ای نے نیشنل سکیورٹی کونسل کا ہنگامی اجلاس طلب کرلیا۔

میڈیا رپورٹس کے مطابق خامنہ ای کے مشیرعلی لاریجانی نے کہا کہ اسرائیل نے سرخ لکیرعبور کردی ہے، صورتحال انتہائی سنگین ہوچکی، حزب اللہ کے پاس قائدانہ صلاحیت رکھنے والے بہت سارے کمانڈر اور رہنما ہیں۔

مشیرعلی لاریجانی کا کہنا تھا کہ حزب اللہ کے سربراہ کی ہلاکت کی صورت میں متبادل قیادت تحریک کو چلانے کے لیے تیار ہے۔

ایرانی سپریم لیڈر آیت اللہ خامنہ ای نے نیشنل سکیورٹی کونسل کا ہنگامی اجلاس بلالیا

ایرانی سکیورٹی کونسل کا اجلاس لبنان کے دارالحکومت بیروت میں اسرائیلی میزائل حملوں کے بعد پیدا ہونے والی صورتحال کے پیش نظر بلایا گیا: امریکی میڈیا

اسرائیلی حملے نے '' گیم کے رولز'' تبدیل کردیے اس کی سزا دی جائے گی: ایرانی سفارتخانہ

کوئی شک نہیں کہ یہ قابلِ مذمت جرم اور غیر ذمہ دارانہ رویہ ایک سنگین بگاڑ کی نشاندہی کرتا ہے جو کھیل کے قواعد کو بدلنے کے مترادف ہے: بیروت میں ایرانی سفارتخانے کا بیان