29 ستمبر ، 2024 
حسن نصراللہ کے ساتھ حزب اللہ کے 20 دیگر ارکان بھی شہید ہوئے، اسرائیلی فوج کا دعویٰ
29 ستمبر ، 2024
اسرائیلی فوج نے دعویٰ کیا ہے کہ جمعے کے روز حزب اللہ کے سربراہ حسن نصراللہ پر ہونے والے حملے میں ان کے ساتھ حزب اللہ کے دیگر 20 اراکین بھی شہید ہوئے۔
غیر ملکی خبررساں ایجنسی کے مطابق اسرائیلی فوج نے اپنے بیان میں کہا ہے کہ حملے میں جس بنکر کو نشانہ بنایا گیا اس میں حزب اللہ کے سربراہ کے سمیت مختلف رینکس کے دیگر 20 حزب اللہ اراکین بھی موجود تھے۔
اسرائیلی فوج کے مطابق حملے میں ابراہیم حسین جازینی اور سمیر توفیق بھی شہید ہوئے جو حسن نصر اللہ کے قریبی ساتھی تھے۔
بیان میں کہا گیا ہے کہ یہ دونوں حزب اللہ اراکین تنظیم کے روز مرہ امور میں اہم کردار ادا کرتے تھے۔
خیال رہےکہ حزب اللہ نے بھی اسرائیلی حملے میں حزب اللہ کے سربراہ حسن نصر اللہ اور ایک سینئر رہنما علی کرکی کی شہادت کی تصدیق کردی ہے جبکہ تباہ شدہ عمارت کے ملبے سے حسن نصر اللہ کا جسد خاکی بھی تلاش کرلیا گیا ہے۔
مزید خبریں :
ترک وزیر خارجہ کا شام کا دورہ، محمد الشرع سے ملاقات کی
22 دسمبر ، 2024
البانیہ نے ٹک ٹاک پر ایک سال کیلئے پابندی لگا دی
22 دسمبر ، 2024
