حسن نصراللہ اور ہزار سے زائد لبنانیوں کی شہادت کے بعدلبنانی فوج کا بیان سامنے آگیا

لبنان کے دارالحکومت بیروت میں اسرائیلی حملے میں حزب اللہ کے  رہنما حسن نصراللہ کی شہادت کے بعد لبنانی فوج کا بیان سامنے آگیا۔

لبنانی فوج کی جانب سے جاری بیان میں کہا گیا ہےکہ  اسرائیلی فوج  کے مجرمانہ  حملوں کے نتیجے میں حزب اللہ کے  رہنما  حسن نصر اللہ  اور  ایک  ہزار  سے  زیادہ  افراد جاں بحق ہوچکے  ہیں  جب کہ ہزاروں افراد  زخمی ہیں۔ یہ ہمارے ملک کی تاریخ کا ایک خطرناک اور  نازک دور  ہے، اسرائیل اپنے تباہ کن منصوبوں کو انجام دینے اور لبنانیوں میں تفرقہ پھیلانے کی کوشش کر رہا ہے۔

حزب اللہ کے شہید سربراہ حسن نصراللہ کا جسد خاکی مل گیا

غیر ملکی خبررساں ایجنسی کے مطابق حسن نصراللہ کے جسم پر کسی بڑے زخم کا کوئی نشان نہیں ہے۔

لبنانی فوج نے عوام پر زور دیا ہے کہ وہ  موجودہ صورتحال میں قومی اتحاد کو برقرار رکھیں اور ایسے  اقدامات  سے  باز  رہیں جو  قومی وحدت کو نقصان پہنچا سکتے ہیں۔

بیان میں مزید کہا گیا ہے کہ فوج کی قیادت ضروری حفاظتی اقدامات جاری رکھے ہوئے ہے اور اپنا قومی فریضہ انجام دے رہی ہے۔ شہریوں سے مطالبہ  ہےکہ وہ ان اقدامات کا ساتھ دیں اور قومی اتحاد کے مطابق کام کریں، جو لبنان کی واحد ضمانت ہے۔

خیال رہے کہ حسن نصراللہ جمعے کی شب بیروت میں اسرائیلی فضائی حملے میں شہید ہوئے تھے۔

بیروت پر اسرائیلی حملے میں ایرانی پاسداران انقلاب کے ڈپٹی کمانڈر بھی شہید ہوگئے

ایرانی میڈیا نے تصدیق کی ہےکہ عباس نلفروشان بھی حسن نصر اللہ کے ساتھ حملے میں شہید ہوئے ہیں

لبنان کی مزاحمتی تنظیم حزب اللہ نے گزشتہ روز  حسن نصر اللہ کی شہادت کی تصدیق کی تھی۔

اس کے علاوہ گزشتہ اتوار  سے جاری اسرائیلی حملوں میں 1000 سے زائد لبنانی شہری جاں بحق اور  ہزاروں زخمی ہوئے ہیں۔  اسرائیل کی جانب سے لبنان کے مختلف شہروں پر حملے جاری ہیں۔

لبنان میں جاری اسرائیلی حملوں کے بعد لوگ بڑی تعداد میں بے گھر ہو رہے ہیں اور نقل مکانی کرکے محفوظ علاقوں کی جانب ہجرت کرنے پر مجبور ہیں۔

لبنانی وزیراعظم نجیب میقاتی نے اپنے ایک حالیہ بیان میں کہا ہے کہ اسرائیلی حملوں کے بعد بے گھر ہونے والے افراد کی تعداد 10 لاکھ تک پہنچ سکتی ہے۔

غزہ میں مجاہدین اور ہماری تحریک ثابت قدم ہے، ترجمان حماس

خالد قدومی نے کہا کہ ہم صبر کرتے رہے اور اسرائیل کو جواب نہ دیا تو اس کی جرات اور بڑھے گی۔

اسرائیل کا حسن نصر اللہ کے بعد ایک اور سینیئر حزب اللہ لیڈر کو قتل کرنے کا دعویٰ

اسرائیل نے حزب اللہ رہنما کو گزشتہ روز بیروت میں نشانہ بنایا