ڈاؤ یونیورسٹی نے ایم ڈی کیٹ کے نتائج جاری کردیے

کراچی: ڈاؤ یونیورسٹی نے میڈیکل ڈینٹل کالج ایڈمیشن ٹیسٹ (ایم ڈی کیٹ) کے نتائج جاری کردیے ہیں۔

ڈاؤ یونیورسٹی کے زیراہتمام ٹیسٹ میں سندھ بھر سے 22 ہزار 366 امیدوار کامیاب قرار پائے ہیں۔

ڈاؤ یونیورسٹی کے زیر اہتمام ٹیسٹ میں کامیابی کی شرح 58 اعشاریہ 79 رہی۔ ڈاؤ یونیورسٹی کے زیر  اہتمام ٹیسٹ میں سندھ بھر سے38 ہزار  41 امیدوار  شریک ہوئے۔

ملک بھر میں میڈیکل کالجز اور جامعات میں داخلے کیلئے ایم بی بی ایس اوربی ڈی ایس ٹیسٹ کا انعقاد

ملک بھر کے ایک لاکھ 67 ہزار سے زائد امیدواروں نے داخلہ ٹیسٹ دیا، سندھ میں ایم ڈی کیٹ ٹیسٹ کی ذمہ داری ڈاؤ یونیورسٹی کو سونپی گئی۔

اوجھا اور  این ای ڈی کے دونوں ٹیسٹ سینٹرز  میں کل 12 ہزار  572  امیدواروں نے حصہ لیا۔دونوں مراکز  سے ایم بی بی ایس کے لیے  اہل امیدواروں کی تعداد 6  ہزار 947 ہے۔ دونوں مراکز  سے  بی ڈی ایس کے لیے اہل امیدواروں کی تعداد 7 ہزار 941  ہے۔

کراچی میں ٹیسٹ این ای ڈی یونیورسٹی اور  ڈاؤ یونیورسٹی اوجھا کیمپس میں ہوئے۔ جامشورو میں لیاقت یونیورسٹی آف میڈیکل اینڈ ہیلتھ سائنسز میں ٹیسٹ ہوئے۔

ضلع شہید بے نظیر آباد میں بلاول اسپورٹس کمپلیکس میں ٹیسٹ ہوئے۔ لاڑکانہ میں پولیس ٹریننگ اسکول اور سکھر میں آئی بی اے پبلک اسکول میں ٹیسٹ لیےگئے۔

کرک: ایم ڈی کیٹ میں بلوٹوتھ ڈیوائسز کے استعمال کے الزام میں 8 افراد گرفتار

ملزمان کا تعلق مبینہ طور پر گزشتہ ایم ڈی کیٹ ٹیسٹ پیپر آؤٹ کرنے والے گینگ سے ہے، ذرائع

خیبر پختونخوا کابینہ کا ایم ڈی کیٹ ٹیسٹ دوبارہ کرانے کا اعلان

اجلاس میں چھ ہفتے کے اندر ٹیسٹ دوبارہ کرانے کی منظوری دی گئی جبکہ ٹیسٹ خیبر میڈیکل یونیورسٹی کے زیر نگرانی کرائے جانے کا فیصلہ بھی کیا گیا۔