بنگلادیش کے سابق کپتان مشرفی مرتضیٰ ایک اور مقدمے میں نامزد

ڈھاکا: بنگلادیش کے سابق کپتان مشرفی مرتضیٰ کو ایک اور مقدمے میں نامزد کردیا گیا۔ 

مشرفی مرتضیٰ پرغیرقانونی وصولی اور شیئرزکی زبردستی منتقلی کاالزام ہے جب کہ سابق کپتان کے ساتھ 6 دیگر افراد بھی مقدمے میں نامزد کیے گئے ہیں۔ 

بنگلادیشی میڈیا کے مطابق مشرفی مرتضیٰ پر بنگلادیش پریمیئر لیگ (بی پی ایل) کی ٹیم سلہٹ اسٹرائیکرزسے غیرقانونی وصولی اور سلہٹ اسٹرائیکرزکے شیئرز کی زبردستی منتقلی کاالزام ہے۔

شکیب الحسن کے بعد بنگلا دیش کے ایک اور سابق کپتان کیخلاف مقدمہ درج

شیخ مصطفیٰ المضاہد الرحمان نے ناریل صدر پولیس اسٹیشن میں طالب علموں پر حملے کے الزام مقدمہ درج کرایا ہے

رپورٹس میں بتایا گیا ہےکہ مرتضیٰ کے خلاف مقدمہ سلہٹ اسٹرئیکرزکے سابق چیئرمین سرور غلام چوہدری نے درج کرایا تاہم ابھی کوئی گرفتاری عمل میں نہیں آئی اور صرف تفتیش شروع کی گئی ہے۔  

یاد رہے کہ مشرفی مرتضیٰ حالیہ تحریک کے دوران طالب علموں پرحملےکےکیس میں بھی نامزدہیں۔

بنگلادیش کے ایک اور سابق کپتان شکیت الحسن کو بھی حسینہ واجد حکومت کی تبدیلی کے بعد قتل کے  مقدمے میں نامزد کیا گیا ہے۔