جسمانی وزن میں کمی لانے کیلئے ناشتے کا بہترین وقت کونسا ہے؟

ایسا کہا جاتا ہے کہ ناشتہ دن کی سب سے اہم غذا ہے اور صبح پیٹ بھر کر کھانا جسمانی وزن میں کمی لانے میں مددگار ثابت ہوتا ہے۔

مگر اس کے ناشتے کا وقت بہت اہم ہوتا ہے۔

یہ بات اسپین میں ہونے والی ایک نئی طبی تحقیق میں سامنے آئی۔

بارسلونا انسٹیٹیوٹ فار گلوبل ہیلتھ کی اس تحقیق میں بتایا گیا کہ جسمانی وزن میں کمی کے لیے نہ صرف ناشتہ ضروری ہے بلکہ کھانے کے وقت کا خیال رکھنا بھی ضروری ہے۔

چینی سائنسدانوں کا کارنامہ، دنیا میں پہلی بار ذیابیطس ٹائپ 1 کی شکار خاتون کا مرض ریورس کردیا

ذیابیطس ٹائپ 1 ایک آٹو امیون مرض ہے جس میں ہمارے جسم کا دفاعی نظام ہی لبلبے میں انسولین بنانے والے خلیات کو تباہ کر دیتا ہے۔

تحقیق میں مزید بتایا گیا کہ 2 عادات طویل المعیاد بنیادوں پر جسمانی وزن میں کمی لانے میں مدد فراہم کرتی ہیں۔

تحقیق کے مطابق رات کو زیادہ وقت تک خالی پیٹ رہنا اور جلد ناشتہ کرنے سے جسمانی وزن میں کمی لانے میں مدد فراہم کرتی ہے۔

اس تحقیق میں 40 سے 65 سال کی عمر کے 7 ہزار سے زائد افراد کو شامل کیا گیا تھا۔

2018 میں ان افراد سے ایک سوالنامہ بھروا کر ان کے جسمانی وزن، قد، غذائی عادات، کھانوں کے اوقات، طرز زندگی کی عادات اور سماجی و معاشی حیثیت کے بارے میں تفصیلات حاصل کی گئیں۔

روزانہ کتنے کپ چائے پینے سے دماغی صحت کو فائدہ ہوتا ہے؟

چائے یا کافی کی مخصوص مقدار پینے سے دماغی تنزلی کا باعث بننے والے مرض ڈیمینشیا سے بچنے میں مدد ملتی ہے۔

ان افراد کی صحت کا جائزہ 5 سال تک لیا گیا اور 2023 میں ان کی تفصیلات پھر حاصل کی گئیں۔

نتائج سے معلوم ہوا کہ رات بھر کے فاقے اور صبح جلد ناشتہ کرنے سے جسمانی وزن میں کمی لانے میں مدد ملتی ہے۔

محققین کے مطابق رات کا کھانا اور صبح ناشتہ جلد کرنے سے جسمانی گھڑی کے افعال کو درست رکھنے میں مدد ملتی ہے جس سے زیادہ کیلوریز کو جلانے اور بھوک کی اشتہا کو کنٹرول میں رکھنا ممکن ہو جاتا ہے۔

اس طرح صحت مند جسمانی وزن برقرار رکھنا بھی آسان ہو جاتا ہے۔

اچھی صحت کے لیے ہر ہفتے کم از کم کتنی ورزش ضروری ہے؟

ہفتے میں صرف ایک دن ورزش کرنے سے بھی آپ کی صحت کو اتنا ہی فائدہ ہوسکتا ہے جتنا پورے ہفتے کرنے سے ہوتا ہے۔

انہوں نے کہا کہ اس حوالے سے مزید تحقیق کی ضرورت ہے تاکہ نتائج کی ٹھوس تصدیق ہوسکے۔

اس تحقیق کے نتائج جرنل Behavioral Nutrition and Physical Activity میں شائع ہوئے۔