اگر حملہ ہوا تو اسرائیل کے تمام انفرا اسٹرکچر کو نشانہ بنائیں گے: سربراہ ایرانی فوج

تہران: ایرانی  فوج کے سربراہ نے اسرائیل کو دھمکی دیتے ہوئے کہا کہ اگر ایران پر حملہ کیا تو اسرائیل کے تمام انفرا اسٹرکچر کو نشانہ بنائیں گے۔

گزشتہ روز ایران کی جانب سے حماس کے سربراہ اسماعیل ہنیہ اور حزب اللہ کے سیکرٹری جنرل حسن نصر اللہ کی شہاست کا بدلہ لیتے ہوئے اسرائیل پر 400 کے قریب میزائل داغے گئے جس کے بعد امریکی میڈیا نے دعویٰ کیا ہےکہ اسرائیل آئندہ چند روز میں ایران پر حملہ کرے گا۔

ایران کے حملے کے وقت ڈرے سہمے اسرائیلی فوجیوں کی ویڈیو سامنے آگئی

گزشتہ روز ایران نے اسرائیل پر 400 سے زائد بیلسٹک میزائل داغے جو اصفہان، تبریز، خرم آباد، کرج اور اراک سے فائر کیے گئے

میڈیا رپورٹس کے مطابق ایرانی فوج کے سربراہ میجر جنرل محمد باقری نے سرکاری ٹی وی پر کہا کہ اگر اسرائیل کی جانب سے ایران پر حملہ کیا گیا تو اسے نتائج بھگتنے ہوں گے۔

انہوں نے کہا کہ اگر حملہ ہوا تو اسرائیل کو بہت شدت کے ساتھ جواب دیا جائے گا اور اس کے تمام بنیادی ڈھانچے کو نشانہ بنایا جائے گا۔

دوسری جانب ایران کے سپریم لیڈر آیت اللّٰہ خامنہ ای نے اسرائیل کو خبردار کیا ہے کہ ایران کی جانب سے اگلا حملہ اس سے کہیں زیادہ تکلیف دہ ثابت ہوگا۔

اس کے علاوہ سوشل میڈیا اور نیوز چینلز پر ایران سے اسرائیل پر داغے گئے میزائل کی ویڈیوز وائرل ہورہی ہیں جس میں میزائلز کی بھرمار کو اسرائیل کی حدود میں دیکھا گیا جب کہ اسرائیلی شہری جانیں بچانے کیلئے شیلٹر میں چھپنے پر مجبور ہوگئے۔

اسرائیل چند روز میں ایران پر بڑا حملہ کریگا، امریکی میڈیا

چند روز میں اسرائیل حملہ کرے گا اور ایران کی تیل تنصیبات اور اسٹریٹجک مقامات کو نشانہ بنائے گا: امریکی میڈیا

تنازع کا خدشہ: ایران میں پیٹرول پمپس پر گاڑیوں کی لمبی قطاریں لگ گئیں

اسرائیل پر ایران کا حملہ مکمل ہوگیا، اسرائیل نے مزید جوابی کارروائی کی تو جواب دیا جائے گا: ایرانی وزیرخارجہ