سپریم کورٹ: انتخابی نشان سے متعلق فیصلے پر پی ٹی آئی کی نظرثانی درخواست سماعت کیلئے مقرر

اسلام آباد: سپریم کورٹ نے پاکستان تحریک انصاف (پی ٹی آئی) کے انتخابی نشان سے متعلق 13 جنوری کے فیصلے پر  پی ٹی آئی کی نظرثانی درخواست سماعت کے لیے مقرر کردی ہے۔

پی ٹی آئی انٹرا پارٹی الیکشن کے فیصلے پر نظرثانی درخواست کی سماعت 11 اکتوبر کو دن ساڑھے 11 بجے ہوگی۔

پی ٹی آئی سپریم کورٹ میں کیس ہارگئی، بلے کا نشان واپس لےلیا گیا

ثابت نہیں ہوا کہ پی ٹی آئی نے انٹراپارٹی انتخابات کرائے، سپریم کورٹ نے پی ٹی آئی کو بلےکا نشان بحال کرنےکا پشاور ہائیکورٹ کا فیصلہ کالعدم قرار دے دیا

چیف جسٹس قاضی فائز عیسٰی کی سربراہی میں 13 جنوری کا فیصلہ دینے والا وہی 3 رکنی بینچ نظر ثانی درخواست کی سماعت کرےگا۔ بینچ کے دیگر ارکان میں جسٹس محمد علی مظہر  اور جسٹس مسرت ہلالی شامل ہیں۔

خیال رہے کہ 13 جنوری کو سپریم کورٹ نے پاکستان تحریک انصاف کے انٹرا پارٹی انتخابات اور بلےکے انتخابی نشان کےکیس کا فیصلہ سناتے ہوئے پی ٹی آئی سے بلا واپس لینے فیصلہ سنایا تھا۔