حزب اللہ کا ایک بار پھر اسرائیلی فوجیوں پر وار ، 190 راکٹ اور متعدد میزائل داغ دیے

لبنان  پر اسرائیلی بمباری کے بعد مزاحمتی تنظیم  حزب اللہ نے اسرائیل کے  مختلف علاقوں میں فوجیوں پرمیزائل اور سیکڑوں راکٹ حملے کردیے۔

اسرائیلی میڈیا کے مطابق  گزشتہ روز حزب اللہ نے اسرائیلی دارالحکومت  تل ابیب میں اسرائیلی انٹیلی جنس یونٹ اور شمالی اسرائیل کے مختلف علاقوں میں میزائل اور راکٹ حملوں سے فوجیوں کو نشانہ بنایا اور 190 راکٹ داغے۔

اسرائیلی میڈیا کا بتانا ہے کہ تل ابیب میں موساد ہیڈکوارٹرز کے ساتھ واقع انٹیلی جنس یونٹ  کو نشانہ  بنایا گیا تھا۔

دوسری جانب  اسرائیل نے حزب اللہ کے 5 میں سے کچھ راکٹ مار گرانے اور باقی خالی علاقے میں گرنے کا دعویٰ کیا ہے ۔

واضح رہے کہ 7  اکتوبر کو غزہ اور یمن سے بھی اسرائیل پر حملے کیے گئے تھے، ساتھ ہی یمن سے حوثیوں  نے  تل ابیب پر فائر کیا گیا بیلسٹک میزائل مار گرانے کا دعویٰ کیا تھا  جس کے بعد  بن گورین ائیرپورٹ عارضی طور پر بند کیا گیاتھا۔

حزب اللہ کیا ہے اور کتنی طاقتور ہے؟

لبنان میں 1975 سے 1990 تک خانہ جنگی چلتی رہی اور یہی وہ عرصہ تھا جب حزب اللہ قائم ہوئی اور دیکھتے دیکھتے لبنان کی سب سے طاقتور تنظیم بن گئی

تل ابیب پر حماس کا راکٹ حملہ، نقصانات کے مناظر سامنے آگئے

اسرائیلی میڈیا کے مطابق حماس کے راکٹ تل ابیب پر مختلف مقامات پر گرے جن کے نتیجے میں دو اسرائیلی زخمی ہوئے۔